إيه ده
راندة محمود
إيه ده؟
ماشيين؟
ده يرضي مين؟
مين الإيدين اللي بدمكم
غارقانيين؟
فين القلوب اللي تتحمل شكلكم
وانتم ميتين؟
وأنتم محروقين!
وأنتم………مشوهين!
سفاحيين أنجاس
اكيد مش ناس
قلوب مش حجر
ده الحجر فيه احساس
وانتم ايها المتفرجين
يرضي مين؟
لحد أمتى ساكتين؟
الأفواه مكتومين
والعنيين مغمضين
أكلين القرف
و شايلين الطين
و…………ساكتين
أجساد الطفولة متقطعين
مستنين مين؟
مفيش غيركم
لا فيه خالد ولا صلاح الدين
مستنين مين؟
يا قلوب عاجزين
مستنين مين؟
يشيل السيف و يحارب
بدالكم
في رقابيكم ذنب عيالكم
مستنين….
اللي بيدسوكم بنعال وسخين
مستنين مين ياخد حقكم؟
و حق العيال الصغيرين؟
يا قلوب مات فيها الغضب
يا نفوس ضاع بيها الدين
انتم خيالات …خايفين
اصلا مش موجودين
مين بيعمل حساب لمين؟
لك نفس تاكل و تشرب
و تتغطى بالبطاطين
و هما جعانيين
و هما كل يوم ميتيين
وهما ماديين الإيدين
بيستنجدوا……….
ومش لاقيين
لا ودان بتسمع
و لاعيون شايفين
لاقيين بس شفايف تتمط
قال يا عيني….
عليهم صعابنين
