كتبت: دعاء موسي
لفت نظري مقولة جميلة جدا متداولة على صفحات التواصل الاجتماعي بتقول “من النضج انك تقول لحد ضايقك انا اتضايقت منك علشان كذا وكذا وكذا ووصلني مو كلامك او تصرفك كذا وكذا عندي عتاب ليك في كذا.. من عدم النضج انك تفضل متضايق من حد لا انت عارف تعاتبه علشان تكسبه ولا انت عارف تخسره وتنساه”
كلام جميل بيتكلم عن العتاب والنضج بس اللي قال الكلام دة نسي حاجات كتير اوي وضوابط كتير اوي نسي ان في فروق فردية واختلاف ثقافات في نفس المجتمع في ناس فاهمة العتاب وعارفة ان العتاب دة للغاليين بس مش لأي حد ناس تانية بتفهم العتاب انه لوم واتهام اه بنزعل من ناس كتير ولا بينفع نعاتبهم ولا بينفع نخسرهم علشان في وابط تانية غيرنا كشخصين زعلانين من بعض مثلا ممكن اختين او اخين اتربوا في نفس البيت بنفس الطريقة بس كل واحد فيهم كون شخصيته ومفاهيمه بطريقة مختلفة فتلاقي حد منهم قال كلمة جرحت التاني او اتصرف تصرف من وجهة نظره صح لكن من وجهة نظر التاني جارح ممكن يتعاتبوا والدنيا بينهم تبقى تمام س او العتاب دة فشل او أتفهم غلط تفتكروا هيقدر ا ينهوا علاقتهم ببعض هيقدر ا ينسوا انهم اخوات طب لو دة حص الاب والام ايه هيبقى شعورهم.. يبقى في الحالة دي مينفعش عتاب واعتبارات تانية كتير جدا حتى الزوج والزوجة العتاب بينهم كتير مبينفعش علشان بردو لو فشل في متضررين بينهم العتاب جميل بس مش لأي حد ولا من اي حد.
هاوجه كلامي هنا للامهات وانتم بتربوا ولادكم علموهم العتاب بالطريقة الصح علموهم ان العتاب مش اتهام ولا اللي بيعاتبك بيقلل منك ولا بيتهمك بالعكس العتاب اهتمام وحب علشان اللي بيعاتبنا مش عايز يخسرنا بيدينا فرصة نفضل موجودين معاه وفي حياته ويفضل هو كمان معنا علموهم ان مش عيب حد يواجهني باخطائي لكن العيب اني اكابر وأفضل مكمل في خطأي واعتبر العتاب دة اهانة بالعكس المفروض اتقبل العتاب بفصدر رحب وبهدوء وافكر في الكلام اللي انتقالي واعيد حساباتي.. علموهم ان العتاب قيمة انسانية جميلة بتحافظ على الود و العلاقات الطيبة بين الناس.
علموهم ان العتاب مش معناه خسارة بالعكس دة مكسب وحب.
ومن أجمل ما قيل عن العتاب… العتاب كالخب لا يقال لا لمن يستحق…
