راجع تاني
بقلمي سحر ابوالعلا
بعد غياب
قال، راجع تاني يدق الباب
بيفكرني إننا كنا في يوم أحباب
طب كان فين
لما القلب في بعده
تعب من شوقه وداب
لما الكل لاموني وقالوا ده ساب
لما تعبت شماتة من الأحباب قبل الأغراب
قال، راجع تاني يدق الباب
بيفكرني إننا كنا في يوم أحباب
طب كان فين
لما الليل في غيابه
كان بيعدي عليا سنين
لما كنت بصبر روحي بروحي
وقول مش هيطول، هما يومين
كل ليلة لوحدي اتحمل
واليومين صبحوا سنتين
قال، راجع تاني يدق الباب
بيفكرني إننا كنا في يوم أحباب
طب كان فين
لما قعدت في نفس مكانّا بستناه
وجوة عيون الناس انا شيفاه
شايفة سؤالهم ليه قلبي
رغم غيابه وبعده، لسة بيهواه
وانا قلبي في حبه لا حول ولا قوة
كان هو بعيد بس حبه لسة ساكن جوة القلب جوة
قال، راجع تاني يدق الباب
بيفكرني إننا كنا في يوم أحباب
طب بعد إيه
وانا طول غيابه كنت لقلبي طبيب بداويه
وما صدقت قدرت اعدي بقلبي من جرح
كان هو وحبه وغدره وبعده السبب فيه.
