لما الحبيب يغيب
راندة محمود
لما الحبيب يغيب
متبكيش
ما تشكيش
ما تغنيش
مواويل ع الربابة
ما تقولش راحت الطيابة
حواليا الدنيا بقت غابة
لما الحبيب يغيب
ابني له في قلبك بيت
ارسم على جدرانه صور
اكتب في أرضه حواديت
لحظات سعادة عشتها معاه
احلى اوقاتك و ياه
افتكر مشاعرك و انت بتستناه
يجيلك و يجيب لك هدية
يشيلك من وقعة قوية
يسندك و يحميك
افتكره و هو ضهرك بيقويك
وابتسم و انت بتفكر فيه
على قد ما كان حاجة حلوة
في ايامك
خليه
طيف بريئ تناديه
لما الحبيب يغيب
شوفوا في القمر
في ليل السهر يواسيك
في عين الشمس تدفيك
في رؤيا من الغيب تناديك
في سحابة تمشي وياك
وتلاقيك
في آخر الطريق
ولو بقيت غريب
ولحد ما تشيب
اوعى تسيب
الحبيب يغيب
