دينى

إنتبه ألفاظ تخالف العقيدة

متابعه/غادة إبراهيم

– مينفعش تقول : بحس إن ربنا بيطبطب عليا!
ربنا مش بيطبطب على حد
اسمها ربنا بيربط على قلبى

– مينفعش تقول : حس بيا يحس بيك ربنا!
ربنا لا يحس بأحد .. ربنا يعلم ويرى ويسمع ويرحم

– مينفعش خالص تقول : ربنا عارف كل حاجة!
لأن المعرفة لابد أن تأتي بعد جهل وحاشاه تعالى
اسمها ربنا عليم بكل حاجة

– مفيش حاجة اسمها ربنا يأذي المؤذي!
ربنا مبيإذيش حد
اسمها ربنا ينتقم من المؤذي

– مفيش حاجة اسمها ربنا يقرفك ولو بهزار!
ربنا مبيقرفش حد حاشا لله

– ومفيش حاجة بردو اسمها ربنا يظلمك!
ربنا مش بيظلم حد حاشا لله
استبدلهم بقول : ربنا يهديك

– مفيش حاجة اسمها ربنا عايز كده!
لأن عايز من العوز وهو الحاجة ..
ربنا مش بيحتاج لحد أو حاجة سبحانه وتعالى
استبدلها بقول .. ربنا أراد

– مفيش حاجه اسمها ربنا يخرب بيتك!
لأن الله لا يخرب
لكن قل ربنا يجازيك بعملك

فياريت نخلي بالنا ولا ننسب لله صفة لم ينسبها هو لذاته سبحانه

فلنتأدب مع الله ..
صحح عقيدتك ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى