شعر وادب

أنا الأسد

أنا الأسد
راندة محمود

قالى الولد بقيت انا اسد
ما بخافشى
وأنا للابد رأيى من دماغى
وما بشورشى
وكل البلد تيجى لكتافى
ولا تطولشى
مين من حبسه فلت
ويرجعله تانى من خوطره
انا ديك من البيضة اتولد
فرحان قوى بعرفه
جناحه اتفرد وفرض
سيطرته على عشه
لو حد من الكبار اعترض
ح اقف و اقولها فى وشه
سنة الحياة الصحة والمرض
الصغير يجى و الكبير نهشه
اللي جاى ملك قاعد فوق عرشه

اسمع نصيحتي
وما تفهمنيش غلط
اكم ملك من فوق
العرش اتطرد
مالقاش كبير عليه يتسند
لو فيه كبير قفل الباب
ما فيش حد ح يقدر يغشه
لو ما خلاش حد يخشه
مين بالميه ح يرشه؟
ده ريشك لو نفش
شوية ميه بتكشه
الكبير لو انقرض
مش ح يدوم للملك عرشه
مين ح يعلمه يحكم؟
مين ينصحه و يفهمه درسه؟
مين يسويله فرشه؟
مين ح يعلمه يتحكم ف قرشه؟
مين ح يمنع الدنيا تدور؟
والصغير يجى عليه الدور
ويبقى كبير
و يجى الغير ويهشه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى