..
سحر أبوالعلا
معرفش ليه في وسط الطريق
سابت ادينا.
والخطوة بعدت الف ميل وتاهت عنينا
كل الأماني اتحولت لطيور مهاجرة
كل الاغاني ع النايات صبحت آهات
والقلب اللي كان مليان غنى
فجأة غناه أصبح سكات
معرفش ليه سلمنا قلوبنا للفراق
وسبنا نفسنا للريح تاخدنا
عكس اللي ياما حلمنا بيه، وياما قلنا
لو كل الدنيا هتفترق
هنتبت احنا في اللي فات
ولا عمرنا نسيب حبنا
يبقى مجرد ذكريات.
سحر أبوالعلا
#السلطانة
