شعر وادب

قرب رمضـــان

 

الشاعر اللواء / محمد هيكل
و روايحـه خـــلاص بدأت م الان
إحسـاس الوقت إننـا صايميــــن
و بصـوت المـــــدفع ييجـي ٱدان
و اننـا زوقنــــــا قلوبنــــا حنيــن
و اننـا فاتحين لـ ضيوفنـا بيبــان

واننـا سامعيـن صـوت التواشيح
و اللمــه هتحلى مـع التراويــــح
و اننـا عمـرانه قلوبنــــا إيمــــان

العيــن تتغـــض عن الشهـــــوات
و البطــن هتصبـــر ع اللــــــذات
و القلـب هيقــــدر ع الاحـــــزان

قرب رمضــــان …… قرب جـدا
و الشيـخ رفعـت فينــــا هايــدّن
و هنفطـــر من خيــر الرحمـــــن

هنـرش شـــــــــــــوارع حتتنــــا
و نعلــق نــور على بـاب بيتنـــــا
و نعلـــق زينــــه في كل مكـــان

قـرب رمضــــان …. ٱه حسينـــا
بحجــــاته اللي بتسعـــد فينـــــا
و نحـس معاهــا …. بكل ٱمـــان

هنوحــد ف الله …….. الدايــــم
و نــوزع … تمـر .. على الصايـم
بسماحــه .. و حب .. و إحســان

و اننـا عازميــن … حد .. قريبنـا
ومعاه … كام حد .. من صحابنـا
و اليوم التانـي … عازمنـا فــلان

قرب رمضان بس ……. اتعبنــــا
دلوقتي .. كتيــــر .. من حبايبنـا
مابقـوش ويانـا ….. زي زمــــان

البيت اللي بناســـــه … عمـــــار
بقى دايـما …. ليـل و يـا نهـــــار
يتــرحم … على كل ….. ما كان
.
.
.
الشاعر اللواء / محمد هيكل
كل عام و حضراتكم بكل الخير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى