سحر ابو العلا 

فجأة وبدون مقدمات تليفوني شاشته اتحرقت ومكنش وقته خالص بصراحة أنا كنت لسة بادئ شغلانة جديدة وحاطط فيها كل الفلوس اللي معايا، فقلت خلاص اجيب تليفون صغير كدة مستعمل امشي بيه حالي لحد ما ربنا يفرجها، ورحت لواحد صحبي عنده محل صيانة موبايلات قلت له أنا عاوز تليفون صغير استعمال امشي بيه حالي اليومين دول، طلعلي تليفون صغير قال لي التليفون ده لسة جاي لي من شوية خده ولما تجيلك فلوس هات أي مبلغ مش هنختلف يعني، خدت التليفون وقلت له التليفون ده عليه أي ارقام أو أي حاجة قال لي لا أنا لسة عامله سوفت وير وماسح كل حاجة كانت عليه

خدت التليفون وروحت البيت كنت ميت من التعب والوقفة طول اليوم أكلت لقمة وحطيت التليفون جنبي ونمت على طول بعدها بشوية صحيت على صوت التليفون مكالمة من رقم غريب معرفهوش قفلت الخط ونمت والتليفون مرنش تاني، بس لما صحيت من النوم لقيت رسالة من نفس الرقم اللي رن عليا وانا نايم الرسالة فيها جملة واحدة (كوبري اكتوبر) مركزتش في الرسالة وقضيت يومي عادي وخلصت شغلي وروحت البيت وانا قاعد بشتغل ع اللاب التليفون رن تاني نفس الرقم المرة دي رديت بس مكنش فيه حد ع الخط قفلت التليفون وقلت ده أكيد حد بيهزر ولا بيتسلى، وقعدت اخلص شغلي وانا بشتغل فيه حاجة غريبة حصلت لمحت خيال بنت معدية في الصالة مع اني عايش لوحدي أصلا

وبعدها سمعت صوت نغمة رسالة ع التليفون بصيت لقيت نفس الرسالة من نفس الرقم ( كوبري اكتوبر) بدأت اقلق وقلت بكرة الصبح هروح الفرع بتاع شركة الاتصالات اسأل عن صاحب الرقم ده، وصحيت تاني يوم ونسيت من زحمة الشغل، ورجعت البيت واتكرر نفس اللي حصل امبارح مكالمة التليفون ومحدش بيرد بعدها شوفت نفس البنت تاني خيال معايا في الاوضة وبعدها جت لي نفس الرسالة، قلت لنفسي لا الموضوع كدة يقلق وفيه حاجة غلط أنا لازم اروح شركة الاتصالات بكرة، وفعلا أول حاجة عملتها تاني يوم الصبح قبل ما اروح الشغل رحت شركة الاتصالات وسألت عن الرقم وهوية صاحبه لكن للأسف الرقم طلع مش متسجل بإسم حد، خلصت شغلي اليوم ده وصحبي قالي تعالى نقعد ع القهوة شوية ورحت معاه فعلا وسهرنا شوية وبعدين روحت علشان يحصل تاني نفس اللي حصل في الليلتين اللي فاتوا

بس في الليلة دي بدأت تحصل حاجات غريبة حاجات بتتحرك من مكانها وفي وسط شغلي شاشة اللاب تقفل وتفتح لوحدها وبعدين الاقي عليها نفس الرسالة(كوبري اكتوبر) قلت

ده أكيد فيه حد عاوز يبلغني حاجة من خلال الرسالة دي، رحت تاني يوم لصاحبي اللي اشتريت منه الموبايل وسألته مين اللي باع لك الموبايل ده قال لي إنه فيه شخص جه واداله التليفون وكان مرتبك في كلامه واداله التليفون واخد الفلوس من غير فصال في السعر ومشى ع طول سألته لو عنده تسجيلات فيها الشخص ده قال لي للأسف اليوم ده كانت الكاميرات عطلانة فيه، قضيت طول اليوم وانا مش مركز في شغلي كل تركيزي في الرسالة ومين صاحبها وايه علاقتها بالبنت اللي انا بشوفها وايه علاقتها كمان بالشخص اللي باع لصحبي الموبايل، اسئلة كتير في دماغي، مخلصتش شغل وروحت البيت وفضلت قاعد مستني البنت دي تظهر يمكن المرة دي تديني إشارة افهم منها أي حاجة، فضلت مستني بس من تعبي نمت وانا قاعد بس حلمت بالبنت دي وخدتني من ايدي ومشيت معاها لحد ما وصلنا عند كوبري اكتوبر ووقفت بيا ادام محل شكلة قديم وسابتني ومشت صحيت من النوم مخضوص قعدت افكر في اللي حصل في الحلم ويا ترى إيه علاقته بالبنت دي، تاني يوم سيبت شغلي وركبت ورحت عند كوبري اكتوبر ونزلت ومشيت في نفس الشارع اللي كان في الحلم والمفاجأة إني لقيت الشارع زي ما كان في الحلم بالظبط حتى المحل القديم لقيته بس كان مقفول بقفل قديم كأنه متفتحش من سنين، سألت صاحب المحل اللي جنبه قال لي إن المحل ده كان بتاع راجل كبير وتوفى ومن وقتها وهو مقفول وابنه مسافر، سألت الراجل انت متأكد ان مفيش حد فتح المحل ده خالص من بعد وفاة الراجل صاحب المحل، قال لي ان كان فيه شاب بيشتغل في المحل وهو الوحيد اللي كان معاه مفاتيح المحل بس مش عارف لسة معاه بعد وفاة الراجل ولا لا، سألته طيب انت مشوفتش الشاب ده من بعد وفاة الراجل صاحب المحل، قال لي الصراحة مش فاكر يمكن عدا مرة أو مرتين بعدها، سألته طب كان فيه بنت شغالة معاهم قالي لا مكنش فيه غير الشاب ده والحاج صاحب المحل، قربت من باب المحل شميت ريحة غريبة طالعة من جوة، قلت للراجل انت متأكد ان مفيش حد بيدخل المحل ده خالص، قال لي يابني انا قاعد هنا طول النهار، بس بعد ما بروح الله اعلم باللي بيحصل، روحت البيت وحلمت نفس الحلم بس المرة دي وانا واقف ادام المحل أنا والبنت دي لقيت في خيط دم طالع من تحب باب المحل لبرة،

وبعدها سابتني ومشيت، تاني يوم قلت أنا لازم اروح اعمل بلاغ بس قلت لنفسي هعمل بلاغ بإيه ومين هيصدقني، ده مش بعيد اللي يسمع كلامي ده يقول عليا مجنون، رحت شغلي وانا مكرر مش هفكر في الموضوع ده تاني، بس حصل حاجة وانا في الشغل جات لي رسالة تانية من نفس الرقم بس المرة دي مكتوب فيها (المحل، سارة، أحمد) قلت يبقى أكيد سارة ده اسم البنت اللي بشوفها يمكن عاوزة تقولي حاجة متعلقة بيها جوة المحل ده، قلت لنفسي لا لازم اروح ابلغ واللي يحصل يحصل، رحت القسم وقدمت بلاغ باختفاء بنت اسمها سارة انا معييش أي بيانات غير اسم معرفش حتى ده اسم حد موجود فعلا ولا لأ، امين الشرطة بعد ما سألني وحكيت له اللي حصل قالي روح يابني انت باين عليك يا مجنون يا بتتعاطى حاجة روح بدل ما ادخلك الحجز، روحت وانا فكري مشغول بسارة والحلم والرسالة، لكن فكرت إني تاني يوم هروح المحل تاني يمكن الاقي أي خيط يوصلني لحاجة، وفعلا رحت للحاج صاحب المحل اللي جنبه وطلبت منه ابص على تسجيلات كاميرات المراقبة عنده في الفترة اللي فاتت، الراجل خاف ورفض في الأول بس بعد ما حكيت له اللي بيحصل معايا من ساعة ما اشتريت الموبايل وبعد ما رحت المحل والريحة الغريبة اللي طالعة من جوة قالي انا هاجي معاك القسم وهشهد باللي حصل وهما ساعتها ييجوا يفتحوا المحل ويشوفوا كمان كاميرات المراقبة، رحنا أنا والحاج والمرة دي قدمنا بلاغ بكل اللي حصل وهو شهد معايا بموضوع الريحة الغريبة دي، وفعلا جه معانا امين الشرطة ومعاه أمر من النيابة بفتح المحل وتفتيشه عشان تظهر المفاجأة الكبيرة وجود جثة بنت داخل المحل وبعد الفحص والتحقيق والبحث عن هوية البنت عرفوا انها إسمها سارة فعلا ومن تفتيش تسجيلات كاميرات المراقبة اكتشفوا ان سارة كانت على علاقة بالشاب اللي كان شغال في المحل وانه استدرجها لداخل المحل في الليل بغرض سرقة مصوغاتها ولما قاومته قتلها وسرق الصيغة والموبايل بتاعها وراح باعه لصاحبي عشان اشتريه انا وتكون رسالة سارة لي من العالم الآخر هي بداية كشف الحقيقة وبعد القبض على أحمد العامل بالمحل اعترف بجريمته وتم استخراج الجثة ودفنها، سارة جتني بعدها في الحلم بس وهي بتبتسم لي المرة دي ودي كانت اخر مرة تزورني فيها سارة.

ظهرت المقالة رسالة من العالم الآخر  أولاً على جريدة كلمة العرب الإلكترونية.

قلم ✍️ امل ابو العلا

الحدوته فيك أنت
اصنع لنفسك السعاده
لاتنتظر السعاده من احد

في يوم من الأيام، قررت “ليلى” تعمل حاجة بسيطة جدًا… إنها تبتسم لأي حد تقابله، حتى لو قلبها مش في أحسن حال.

خرجت من بيتها، شايلة هموم كتير، لكن أول ما قابلت بواب العمارة، ابتسمت له وقالت:
“صباح الخير يا عم حسن.”

استغرب… لأن بقاله سنين محدش بيقولها له بالشكل ده. رد بابتسامة أوسع، وقال:
“صباح النور يا بنتي… ربنا يسعدك.”

كملت طريقها، وقابلت بنت صغيرة كانت باصة في الأرض… ابتسمت لها ولوّحت بإيدها. البنت ضحكت فجأة كأنها نسيت زعلها.

وفي الشغل، رغم الضغط، حاولت تلطّف الجو بكلمة حلوة هنا، ومجاملة صادقة هناك.
والغريب؟ اليوم عدّى أخف بكتير مما توقعت.

رجعت البيت، وقفت قدام المراية، وسألت نفسها:
“هو أنا اللي غيرت اليوم؟ ولا اليوم هو اللي غيرني؟”

واكتشفت إن أبسط الحاجات… ممكن تكون أعظمها.
وإن أحيانًا، “الحدوتة” مش محتاجة أحداث كبيرة… بس قلب صادق.

الحكمة من الحدوتة:
مش كل الخير محتاج مجهود كبير… أوقات ابتسامة، كلمة طيبة، أو نية صافية… كفاية تغيّر يوم كامل، ويمكن حياة كمان كامله

ظهرت المقالة كل يوم حدوته… أولاً على جريدة كلمة العرب الإلكترونية.

خمس قواعدذهبية

١-من يحتاجك لا تتجاهله.

٢-من يحبك لاتخسره.

٣-من يرشدك لاتنساه.

٤-من يثق بك لا تخنه.

٥-من يؤذيك لا تكرهه.

My Frog Friend’s Advice.
By Helmy Al-Qassas
Five Golden Rules

1- Don’t ignore someone who needs you.

2- Don’t lose someone who loves you.

3- Don’t forget someone who guides you.

4- Don’t betray someone who trusts you.

5- Don’t hate someone who hurts you.

ظهرت المقالة نصائح صديقي الضفدع. أولاً على جريدة كلمة العرب الإلكترونية.

سحر ابوالعلا

ملك…. يوسف انت خلاص هتمشي وتسيبني

يوسف…. انا حضرت شنطي بس كان لازم اشوفك قبل ما اسافر

ملك… مش انت وعدتني انك مش ممكن تسيبني، ان مفيش حاجة هتفرقنا

يوسف…. وانا لسة عند وعدي يا ملك بس انا قاعد بعمل ايه هنا، لازم اسافر عشان ارجع وانا قادر فعلا مسبكيش

ملك…. بس انا كنت عاوزاك جنبي ومش عاوزة حاجة تانية

يوسف…. صدقيني يا ملك انا راجع تاني انا لا يمكن اسيبك ومقدرش استغنى عنك

ملك…. طيب أنا هعمل ايه في غيابك

يوسف…. انا هكون معاكي كل يوم هكلمك وابعتلك ومش هتحسي ابدا اني بعيد

ملك…. بس انا مجرد وجودك جنبي هو اللي كان بيحسسني بالأمان.

يوسف…. انا هفضل جنبك يا حبيبتي واوعدك مش هتحسي ابدا اني بعيد.

غاب يوسف وأول فترة رسايل وكلام يوميا مبتتقطعش، وبعد فترة بدأ يقل الكلام وواحدة واحدة انقطعت الرسايل وقل الحديث إلي اللا رسائل واللا حديث وبعد أكثر من عامين استيقظت ملك على صوت رسالة

يوسف…. ازيك يا ملك

ملك بعد ما كانت قررت انها متردش لو رجع يبعت لها

ملك…. ياه يا يوسف انت لسة فاكر ان فيه ملك اصلا

يوسف…. عمري ما نسيت

ملك…. ايه اللي كان شغلك عني طول المدة دي

يوسف…. انت

ملك… انا، انا ازاي يعني

يوسف… ايوة انت، كنت مشغول عنك بيك، كنت بعمل يوسف اللي هيقدر يرجع لك بوعده اللي وعدهولك.

ملك…. انا مش فاهمة حاجة

يوسف ….. اطلعي بلكونة اوضتك دلوقتي

ملك… انت باعتلي دلوقتي بعد كل الوقت ده عشان تهزر معايا.

يوسف… اطلعي بس يا ملك

بتطلع ملك البلكونة عشان تلاقي يوسف واقف تحت البلكونة وفي ايوه باقة ورد كبيرة ومعلق لافتة كبيرة ع الجدار المقابل لبلكونة ملك مكتوب عليها انشغلت عنك لأفي بالوعد، تتجوزيني.

الرجال يوفون بالعهد.

#السلطانة

ظهرت المقالة أخر لقا أولاً على جريدة كلمة العرب الإلكترونية.

متابعة: د . محمد رمضان

أصرّ القاضي في إحدى المحاكم الأردنية في مدينة الزرقاء على تقبيل يدَ المتهم الذي يمثُلُ أمامه للنظر بقضيتة.

وتتمحور القضية في: أنّ المتهم الذي يعمل معلماً، كان قد ضرب أحدَ التلاميذ بالعصا أثناء الدرس ، مما دفع ذوي الطالب لتقديم شكوى بحقه ، فاضطرالمعلم للمثول أمام هيئة المحكمة،

وتفاجأ الحضور بتصرّف القاضي الذي اكتشف لاحقاً بأنّ المتهم الذي يقف أمامه هو معلمه القديم في المدرسة ، وهو إنسانٌ فاضل ، وكبير في السن ، لذا قرّر القاضي بأن يكون

«تقبيل يد المتهم» ( المعلم ) هو الحكم الذي أصدره في القضية المنظورة .

عندما ندرك قيمة العلم والمعلم

#حينئذٍ_نكون_من_أرقى_الأمم_حضارة!!

حينما نرد الفضل والمعروف لأصحابهما… نكون اكثر وفاءاً واخلاصاً لانفسنا وقيمنا.

تحيه إجلال وإكبار لهذا القاضي الذي، إنحنت هامته ليقبل يد معلمه ويرد له الفضل في أحلك لحظات حياته… فليس هناك أسوأ من أن يكون تلميذ المعلم ؛ سببا في أن يقف معلمه الذي علمه ورباه ،أمام القاضي في المحكمة

ظهرت المقالة القاضي يقبّل يد المتهم أولاً على جريدة كلمة العرب الإلكترونية.

كتبت/غادة إبراهيم

مازال الخير في امة سيدنا محمد ليوم الدين .إنه  طبع الشعب  المصري شعب الاصاله والرحمه انه عم السيد  رجل سكندري صاحب فرن يبيع العيش مجانا لوجه الله للناس الغلابه .في عزبه سعد بالإسكندرية

فمازال الخير في امه محمد ليوم الدين راعي ظروف الناس وحس بغيرة. فوزع العيش علي الناس المحتاجة لوجه الله .اعطاه الله الرحمه فبدء يوزعها علي الغير فالرحمون يرحمهم الله ،

شكرا ليك عم السيد شكرا للكلمه الحلوه شكرا للناس اللي دايما حاسه بغيرها.شكرا عم السيد

ظهرت المقالة جدعنه الاسكندرانيه أولاً على جريدة كلمة العرب الإلكترونية.

الحزن هو الشعور المؤلم والمؤذي المقيم داخلنا ،لا نستطيع أن نغادره سريعا لانه يستحسن الإقامة داخلنا،يأخذنا معه إلي حيث لا نريد ، يفتح مدنا من الذكريات الحزينه ويزور شواطئ إنكسارتنا التي أغلقناها، يتجول فينا ملقيا بذور الوجع وفاتحا أدراج مآسينا، وإن توسلنا إليه ألا يقترب أكثر ازداد عندًا يقتل أمانينا ،كالداء هو إذا لم نعرف دواءه صار وجعا يغطينا.

نحلم بلحظه أمل تسرقنا منه تحملنا إلي وادي الفرح لنقضي عليه ونتركه بلا إرتواء فتعود إلينا أمانينا
تنقش فرحا بين الزهور، تنثر عبق العطور، تنتصر للدموع، وتعيد إلي النفس الشروق الذي طالما غيبه الحزن بين السطور، ستعود البسمات قوافلا تهدي الحضور عصرا جديدا باسمًا من عصور النور فلن يستطيع الحزن أن يسلب دفء القلوب وسيختفي الدمع وسط البحور وسيعود الفرح والهدوء للقلوب.

ظهرت المقالة حلم الفرح….. أولاً على جريدة كلمة العرب الإلكترونية.

كانت بذاك الرداء الابيض تبدو كملاك يزور الأرض للمرة الأولي.

تتحرك في المنزل كطيف ،تتأمل أركانه وتلمس جدرانه برفق،وكأنها حواء في جنتها.

لم تثير شهواته لكنها أثارت إعجابه كلوحه فنية تحتاچ من يتأملها بعمق كي يدرك روعة ألوانها ويفهم معني خطوطها ويدرك منحنياتها و يلمس برفق ندوبها…

كانت عروسه التي علمته فلسفة الحب وجعلته يعشق الفن والموسيقي، والرقص،والحياة.

كانت حواء التي منذ عرفها آدم بدأ الكون يعرف الإنسان.

ظهرت المقالة ذات الرداء الابيض أولاً على جريدة كلمة العرب الإلكترونية.

كنت شابا أظن أن الحياة .. مال وفير .. و فراش وثير .. و مركب وطيء ..
و كان يوم جمعة .. جلست مع مجموعة من رفقاء الدرب على الشاطئ .
وهم كالعادة مجموعة من القلوب الغافلة ..
سمعت النداء حي على الصلاة .. حي على الفلاح ..
أقسم أني سمعت الآذان طوال حياتي .. و لكني لم أفقه يوماً معنى كلمة فلاح ….
طبع الشيطان على قلبي .. حتى صارت كلمات الآذان كأنها تقال بلغة لا أفهمها ..
كان الناس حولنا يفرشون سجاداتهم .. و يجتمعون للصلاة ..
و نحن كنا نجهز عدة الغوص و أنابيب الهواء ..
استعداداً لرحلة تحت الماء ..
لبسنا عدة الغوص .. و دخلنا البحر ..
كان كل شيء على ما يرام ..
وفي غمرة المتعة .. فجأة تمزقت القطعة المطاطية التي يطبق عليها الغواص بأسنانه و تمزقت أثناء دخول الهواء إلى رئتي .. و فجأة أغلقت قطرات الماء المالح المجرى التنفسي … و بدأت أموت ..
بدأت رئتي تستغيث و تنتفض .. تريد هواء .. أي هواء ..
أخذت اضطرب .. البحر مظلم .. رفاقي بعيدون عني ..
بدأت أدرك خطورة الموقف .. إنني أموت ..
بدأت أشهق .. و أشرق بالماء المالح ..
بدأ شريط حياتي بالمرور أمام عيني ..
مع أول شهقة .. عرفت كم أنا ضعيف ..
بضع قطرات مالحة سلطها الله علي ليريني أنه هو القوي الجبار ..
آمنت أنه لا ملجأ من الله إلا إليه… حاولت التحرك بسرعة للخروج من الماء ..
إلا أني كنت على عمق كبير ..
ليست المشكلة أن أموت .. المشكلة كيف سألقى الله ؟!
إذا سألني عن عملي .. ماذا سأقول ؟
أول ما أحاسب عنه .. الصلاة .. و قد ضيعتها ..
تذكرت الشهادتين .. فأردت أن يختم لي بهما ..
فقلت أشهـ .. فغصَّ حلقي .. وكأن يداً خفية تطبق على رقبتي لتمنعني من نطقها ..
حاولت جاهداً .. أشهـ .. أشهـ .. بدأ قلبي يصرخ : ربي ارجعون .. ربي ارجعون ..
ساعة .. دقيقة .. لحظة .. و لكن ….. هيهات ..
بدأت أفقد الشعور بكل شيء .. أحاطت بي ظلمة غريبة ..
هذا آخر ما أتذكر ..
لكن رحمة ربي كانت أوسع ..
فجأة بدأ الهواء يتسرب إلى صدري مرة أخرى ..
انقشعت الظلمة .. فتحت عيني .. فإذا أحد الأصحاب ..
يثبت خرطوم الهواء في فمي ..
و يحاول إنعاشي .. و نحن مازلنا في بطن البحر ..
رأيت إبتسامة على محياه .. فهمت منها أنني بخير ..
عندها صاح قلبي .. و لساني .. و كل خلية في جسدي ..
أشهد أن لا إله إلا الله .. و أشهد أن محمد رسول الله .. الحمد لله ..
خرجت من الماء .. وأنا شخص آخر ..
تغيرت نظرتي للحياة .
أصبحت الأيام تزيدني من الله قرباً .. أدركت سرَّ وجودي في الحياة .. تذكرت قول الله تعالى : ( إلا ليعبدون ) ..
صحيح .. ما خُلقنا عبثاً ..
مرت أيام .. فتذكرت تلك الحادثة ..
فذهبت إلى البحر .. و لبست لباس الغوص ..
ثم أقبلت إلى الماء .. وحدي و توجهت إلى المكان نفسه في بطن البحر ..
و سجدت لله تعالى سجدة ما أذكر اني سجدت مثلها في حياتي ..
في مكان لا أظن أن إنساناً قبلي قد سجد فيه لله تعالى ..

ظهرت المقالة قصة الشاب الذى سجد فى قاع البحر أولاً على جريدة كلمة العرب الإلكترونية.

جلست الأسرة تتناول الغذاء كعادتهم وكانت تبدوا على وجه والدهم تعبيرات وجه تجمع بين علامات الضيق والحيرة في نفس الوقت مما أثار فضول جميع الجالسين ودعاهم للسؤال الذي بادرتهم به فرح وتملئها اللهفة
في ماذا تفكر يا والدي العزيز ماذا يشغل بالك إلي هذا الحد؟
تنهد والدها وهو يقول مشكلة عابرة يا حبيتي.
تدخل عادل في الحديث ماذا لو تشركنا معك يا أبي لعلنا نجد لها حل ….
تبسم الأب قائلاً معك حق يا بني لعل الله يأتي بالفرج على لسان واحد منكم..

جاء إلينا في صندوق الشكاوي بخصوص الأيس كريم الجديد الذي أنتجته الشركة مؤخراً كثير من الشكاوي نظراً لإمتلاء الشوارع بعلب الأيس كريم الفارغة وعدم إلقائها في صناديق القمامة مما يصيب بعض الناس بالأذى من إلقائها في طريقهم وبناء عليه قامت الإدارة بتحويل الأمر إلي لوضع حل لهذه المشكلة هذا ما يشغل تفكيري
فتبادل الأسرة نظرات الحيرة إلي أن خرج كل واحد منهم بفكرة قالت فرح نكتب عبارة تذكرهم بفضل إماطة الأذى عن الطريق ..
قال عادل ولما لا نقوم بعمل مسابقة تجميع الأكواب كل شخص يقوم بتسليم 5 أكواب فارغة يحصل على كوب مجاناً كادعايا

الأولاد يحاولوا إيجاد حل وأبيهم يبتسم لهم ليرضيهم
ولكن الوحيدة التي استطاعت أن تفهمه وتفهم عدم رضاه عن حلولهم هي الأم التي قطعت الكلام بقولها
لا يرضي أبيكم لحل هذه المشكلة إلا أن يأكل الناس العلبة هيا بنا وليذهب كل منكم لأداء واجبه هيا بنا يافرح لنكمل سوياً مسائل الرياضيات

جلست فرح ووالدتها لمساعدتها في حل المسائل الحسابية وبعد حل ثلاثة أمثلة ومطابقتها بنموذج الإجابات والتأكد من صحة الإجابة إلا أن جاءت المسألة الرابعة شعرت فرح بخيبة أمل عندما لم توفق في الإجابة أكثر من 5 مرات لم تطابق الإجابة نموذج الإجابات بالرغم من إلتزامها بنفس الخطوات التي ألتزمت بها في المسائل السابقة إلي أن كاد عقلها أن ينفجر مما جعل أمها تنظر إليها بعين الشفقة

فرح فلنترك هذه المسألة ونريح عقلنا برهه سأذهب للأطمئنان على حال أخيكي ولتقومي بالتلوين ثم العودة للحل مرة أخرى وإن شاء الله ستجدين الحل
لم يكن عند الصغيرة حل إلا أن تقول حاضر يا أمي جلست لتلون صورة لجيش محمد الفاتح يقف أمام أسوار القسطنطينية المنيعة تقذفها بالمدفعية بلا جدوى يقابلها صورة لمراكب تجرها التيران فوق الجبال لتعبر الجانب الأخر
أخذت فرح تلون وهي تحدث نفسها من يشعر بالألتزام نحو إنجاز مهامه يبذل كل جهده لتحقيق ما يجب أن يفعله حتى ولو كان سيعبر بالسفن الجبال ومع نهاية التلوين لمع في عقلها الحل لما أقوم بحل المسألة لماذا لا أستخدم الحل النهائي الموجود في نموذج الإجابة وتكوين مسألة جديدة عكسية للتأكد من صحة الأرقام المعطاه لعله يكون هناك خطأ مطبعي في أرقام المسألة وفعلاً أكتشفت الخطأ الرقم الصحيح 32 بدلاً من 23 لم تتمالك فرح فرحتها خرجت لتخبر أمها وجدتها تنادي عليها لتجهز العشاء الذي قامابوضعه على المائدة سوياً …
جلست الأسرة تتناول عشائها وتبدو على وجه أبيهم مظاهر السعادة مما أثار فضولهم لم ينتظر الأب أن يسأل الأولاد حيث قام بالإجابة وجدت الحل فاليأكل المستهلك العبوة الموضوع فيها الأيس كريم وذلك عندما نصنعها من البسكويت ونغلفها بطبقة بلاستيك شفافة

فوجئت فرح بأمها وهي تنظر لها بفخر وتقول لها يبدو أنك مثل أبيك بداخلك إحساس قوي بالألتزام بأداء الواجب.
الناجح يعتبر النجاح ألتزاماً والفاشل لا يرى في الإنجاز أكثر من وعد يعطيه
الدافع الداخلي للنجاح نعمه من الله يضعها في قلب كل إنسان مخلص من توضع في قلبه لتحقيق هدف يحققه فدائماً ما بين تحقيق الهدف وعدم تحقيقة لحظة يظفر بالنجاح من يقوى على إحتمال الصبر فيها .
إذا كان إبنك من هؤلاء المحظوظين (المقاتلين من أجل أهدافهم) فليكن دورك هو إرشاده للهدف الذي يعود عليه بالخير في الدنيا والأخرة ويعود على مجتمعه بالنفع أما إذا كان من النوع الثاني لا يرى في النجاح أكثر من وعد يعد به فحاولي تبصيره بأن الدرجات العلا لن تبلغ إلا بالهمم العليا ولم يغير الواقع إلا رجال تعرف معنى الأحرار ولو كان بلوغ الأهداف أمر سهل لما عانا الرسول الكريم كل هذه المعاناه التي لاقاها في سبيل دعوته
أجعلي إبنك يرسم بخطه بيت الشعر القائل
لا تحسبن المجد تمر لاعقة
لن تبلغ المجد حتى تلعق الصبر
وأجعليها أمام عينه في حجرته فتكون بمسابة مواساه له في كل مره يتعثر فيها في خطوات بلوغ الهدف

ظهرت المقالة عندما تصعد السفن الجبال…. أولاً على جريدة كلمة العرب الإلكترونية.