افتكرت حاجات كتير
باقية من عمرى اللى فات
بيت وفرح وشوق وخير
للاسف بقو ذكريات
حضن امى كان براح
والزمن طيبة وسماح
كل ده ياخسارة راح
لما فينا الحلم مات
وافتكرت عز ابويا
والصحاب الطيبين
واما وقت الشدة اخويا
يجرى ويمد الايدين
افتكرت بيوت حنان
والبيبان المفتوحين
فين ياناس طيبة زمان
لما كنا صغيرين
افتكرت صوت ادان
واما ابويا يقلى قوم
كان سند لية وامان
ضحكته تمحى الهموم
افتكرت صوت شارعنا
والونس مالى البيوت
واللى ساكنين جنب بيتنا
يعشقو عشرتنا موت
افتكرت بنت حلوة
سحرها مالى المكان
قلت فيها كلام وغنوة
بفتكرها من زمان
الشاعر احمد_قدرى
