متابعه/غادة إبراهيم
ليس كل سلاح = نفس الجريمة…
وليس كل حيازة = نفس العقوبة
كتير من الناس تعتقد إن موضوع السلاح بسيط، يا إما معاك سلاح تكون مجرم، أو لا.
لكن الحقيقة القانونية غير ذلك تماما .
القانون فرق بدقة بين نوع السلاح وطريقة الحيازة والغرض منها، وكل فرق فيهم بيغيّر الاتهام والعقوبة تغيير جذري.
أولًا: أنواع السلاح في القانون
القانون رقم 394 لسنة 1954 بشأن الأسلحة والذخائر قسّم السلاح لأنواع:
أسلحة نارية مششخنة
زي:
طبنجة
بندقية آلية
بندقية خرطوش مششخنة
دي أخطر أنواع السلاح، وحيازتها بدون ترخيص تعتبر جناية مش جنحة.
أسلحة نارية غير مششخنة
زي:
بندقية خرطوش عادية
برضو جريمة، لكن العقوبة بتختلف حسب الواقعة.
الأسلحة البيضاء
زي:
مطواة
سكين
سنجة
كتر
سيف
نصل حاد
هنا القانون لا ينظر فقط للسلاح، لكن أيضا للظرف والغرض من الحيازة.
ثانيًا: الفرق بين الحيازة والإحراز
فرق مهم جدًا كثيرا من الناس لا تلقي بألا لها.
الحيازة
تعني أن السلاح في سيطرتك في إيدك (في الشنطة – العربية – البيت).
الإحراز
يعني السلاح معاك فعليًا وفي إيدك أو ملابسك.
الفرق ده ساعات بيبقى سبب تخفيف أو تشديد العقوبة.
ثالثًا: العقوبات
حيازة سلاح ناري بدون ترخيص:
السجن المشدد
وغرامة ممكن توصل لعشرات الآلاف
ولو السلاح آلي أو مستخدم في جريمة العقوبة بتزيد
حيازة سلاح أبيض بدون مسوغ:
حبس
أو غرامة
أو الاتنين معًا
حسب ظروف الواقعة وتقدير المحكمة
رابعًا: أحكام محكمة النقض قالت إيه؟
محكمة النقض قررت في أحكام كتير إن:
“مجرد حيازة السلاح بدون ترخيص كافية لقيام الجريمة، دون اشتراط استعماله.”
يعني:
مش شرط تضرب
مش شرط تهدد
مجرد الحيازة = جريمة مكتملة الأركان
لكن
لو الدفاع قدر يثبت:
عدم السيطرة الفعلية
أو عدم العلم بالسلاح
أو بطلان التفتيش
هنا ممكن القضية تنهار بالكامل.
خامسًا: أخطاء شائعة بتودّي السجن
“السلاح مش بتاعي”
“كنت شايله لصاحبي”
“لقيته في العربية”
“ده للدفاع عن النفس”
كل الأعذار دي ملهاش قيمة قانونية لو ما اتدعمتش بدفاع قانوني سليم.
الخلاصة
قضايا السلاح من أخطر القضايا الجنائية
كلمة واحدة في المحضر ممكن تفرق بين براءة وسجن سنين
نوع السلاح – طريقة الضبط – صياغة المحضر = مفاتيح القضية
