لا هي أمي
ولا أنا أبنها
راندة محمود
يا بلدي يا مطلعة عنيا
و مفضية جيوبي و ايديا
ومدوراني ابص حواليا
مع انك مغمياني
زي التور ب دور الساقية
شغال زي الحمار
وايديا مش لاقيا
بوصل الليل بالنهار
وفلوسي مش مكفيه
أنا مش مهم
خلاص راحت عليا
بس ح تضيع أجيال
جاية بأحلام وردية
ح ورثهم الحبال
اللي دابت م الهوا
في ايديا
فيه حد عنده كلمات اعتذار
أو مراضية
تكفي اقول بأحترام
حقكم عليا
مش عارف ايه الايام
لكم مخبية
يا بلدي مغلباني
و آسراني
مش عارف احب بلد تاني
لكن مش سيباني
مغطياني و ستراني
وزي الأم تطبطبي
وترجع تروح لطشاني
لا حرمت احبها
ولا قدرت أقول
لا هي أمي
و لا أنا أبنها
