قطيعه
راندة محمود
قطيعه تقطع الفقر و أسمه
لو كان الفقر راجل لقتلته
وفي ابعد قبر دفنته
قطيعه تقطع الكره و أسمه
لو كان الكره كنز لضيعته
وبطول ايدي مفتاحه رميته
و عمري ابدا ما استنيته
ده الكره أفعي تعض
تصبح القلوب من سمها تسود
قطيعه تقطع الظلم و أسمه
لو كان الظلم تنينا لحاربته
وطفيت بدموع المظلومين لهيبه
ولو خدنا البني آدم على عيبه
ح يبقى علينا فرعون و عبيده
ويستاهل نبقى لعبة في ايده
لو كان الدفا بيتباع لاشتريته
ولأطفال غ..ز..ة اهديته
لو كان الحب ميه
ح يبقى حبنا نهر بيجري
وعشان الدعاء ليهم غيه
ح افضل ادعيلهم عمري
لو كانت القلوب غذاء
لو كانت السما غطاء
لو كانت الحرب بالهجاء
لهزمت اقلام الشعراء
ألد الأعداء
ولكن صبرا آل ياسر
احنا في انتظار عدالة السماء
