توتة توتة
سحر ابوالعلا
توتة توتة
واهي خلصت الحدوتة
لكن يا خسارة ملتوتة
عشان حكايتنا كات مرّة
واخرتها كانت فرقة
سابت قلوبنا مجروحة
زرعنا الورد في طريقهم
وما نابنا منه غير الشوك
محينا الحزن عن قلوبهم
ورمونا في بحر الشوق
سلمنا قلوبنا وآمنا
اتاري قلوبهم خوانة
وادينا من الحنين دوبنا
لكن والله بأمانة
اشهد وشهادة حق
في الخيانة ياخدوا
الجايزة الاولى بجدارة
جايزة القلوب الغدارة
