إبنى
سحر أبوالعلا
لو ليا قلبين
بالأولاني هحبك
و هضمك بالاتنين
يا فرحة قلبي
يا روحي و ضي العين
يا هدية من الرحمن
نفسي ربنا يهديك
و اشوفك م الصالحين
نفسي اشوفك انسان
بالعلم ويا الدين
شهادات الدنيا بحالها
هتوديك على فين
ده مهما يعلا شأنك
أهم شيء يا روحي
رضا رب العالمين
نفسي ربنا يهديك
و اشوفك م الصالحين
هبلغك رسالة
و هحملك أمانة
خليك دايما بشوش
صاحب كل الوشوش
و الكلمة الحلوة دايما
خليها لك علامة
ده رسولنا يابني
قال الكلمة الحلوة صدقة
و جملها بابتسامة
اياك تكون غليظ
فى القول و الملامح
ده رسولنا علمنا
دينا دين التسامح
و لين القلب يابني
عمره ما كان جارح
نفسي ربنا يهديك
و اشوفك م الصالحين
و انول بك الجنة
و رضا رب العالمين
يابني يا نور العين.
