خطورة الاستحمام في الشتاء حياة أو موت. كتب /الدكتور اسلام المنحلى
الاستحمام في الشتا.. العادة اللي ممكن تبقى خطر من غير ما ناخد بالنا
في ناس بتحب المية السخنة أوي في الشتا وبتقف تحت الدش وقت طويل
لكن لو واقف في حمام مقفول ومشغل السخان والشفاط مقفول فإنت ممكن تكون بتعرّض نفسك لخطر كبير جدًا
المشكلة إن بخار المية بيملأ الحمام بسرعة وبيقلل نسبة الأكسجين ومع وجود سخان غاز ممكن يحصل عدم احتراق كامل
وده بينتج عنه غاز أول أكسيد الكربون CO الغاز القاتل اللي مالوش ريحة ومش هتحس بيه وبيسبب صداع ضعف تركيز إغماء ولو مفيش حد لحقك بتحصل الكارثة
الأعراض التحذيرية للتسمم بأول أكسيد الكربون
صداع مستمر
دوخة ودوار
ضعف وتعب شديد
غثيان وقيء
ضيق نفس أو خفقان
تشوش ذهني أو فقدان وعي مفاجئ
احمرار الوجه في بعض الحالات
لو ظهرت أي من الأعراض دي أثناء الاستحمام أو بعده
ده معناه إن الجسم بدأ يستنشق الغاز وده خطر جدًا
ليه الخطر ده منتشر عندنا أكتر
أغلب سخانات الغاز في البيوت راكبة جوه الحمّام
وده معناه إن السخان بيستهلك أكسجين الحمام كله في دقايق
خصوصًا وإنت قافل الباب والشباك
أغلب الحمّامات على مناور
فلما تيجي تستحمى بتقف
