الألم والأمل نفس الحروف
والمحن والمنح نفس الحروف
هي بس مختلفة الظروف
واهو كلنا واقفين انتظار جوة الصفوف
احلامنا باتت مركونة فوق الرفوف
حتى صورنا يادوب حبة رتوش
اسامينا شالوها من ع الافيش
جابوا ناس غيرنا سرقت تعبنا
وعملوا اسامي من مفيش
فوق الحيطان حبة صور متعلقين
أصحابها غابوا من سنين
كل اللي موجود بعدهم
عاملين صحاب، لكنهم مزيفين
بكرا احنا تسرقنا السنين
وهنبقى ذكرى
فوق الحيطان حبة صور متعلقين.
__________________________
سحر ابوالعلا
