متابعه/غادة إبراهيم
في وقت أغلب الطلبة كانوا شايفين إن كلية الطب نهاية الطريق،
ظهر شاب عنده حلم مختلف… شاف إن ممكن يعيش اتنين من أجمل الأحلام في نفس الوقت
إبرام سمير، الشاب اللي دخل كلية الطب جامعة عين شمس بمجموع 99%،
الناس كانت متوقعة يشوفوه في المستشفى طول الوقت…
لكن هو قرر يثبت إن الطب مش هيمنعه يعيش حلمه التاني — التمثيل.
البداية
من أول سنة في الكلية، كان عنده شغف بالفن والكوميديا،
ولما جات له فرصة في “تياترو مصر” مع الفنان أشرف عبد الباقي،
قرر ياخدها رغم الخوف والضغط والدراسة التقيلة.
حتى أهله في الأول اتصدموا لما شافوه فجأة على المسرح
بس لما شافوا حبه للفن وجديه في دراسته، وقفوا جنبه
بين السماعة والمسرح
النهار في الكلية… والليل على المسرح.
بين المحاضرات والتمثيل كان بيذاكر وبيتمرن وبيضحك الناس في نفس الوقت.
كتير كانوا شايفين إن مستحيل يقدر يوفق بين الحلمين،
لكنه أثبت العكس، وخرج طبيب ناجح وممثل محبوب.
النهاردة لما تشوفه بتضحك من قلبك،
بس وراه قصة تعب وموازنة، ووراه إصرار إن الحلم مش لازم يكون واحد.
رسالته إبرام سمير دايمًا بيقول:
“مش لازم تختار بين الحلمين… ممكن تمشي في طريقين لو قلبك مؤمن بيهم.”
وده الدرس الحقيقي:لو بتحب اللي بتعمله، هتقدر تكمل وتنجح فيه مهما كان صعب.
رسالة للاهالي
الاهالي اللي بيمنعوا اولادهم من حياتهم وتكون حياتهم دراستهم بتقيدهم،
شوفوا قصة إبرام…اللي لبس البالطو الأبيض ووقف على المسرح بنفس الثقة.
اللي خلى الطب والفن يعيشوا في سلام واحد،
وأثبت إن النجاح مش له طريق واحد،
النجاح له قلب مؤمن وحلم ما بيقفش
