متابعه/غادة إبراهيم
تخزين_البلح_الرطب
هنحيب أى كمية من البلح الرطب ونغسله كويس جدا ونحط معلقة خل ونشطفه كويس علشان نتخلص من أى جراثيم لأن الحشرات بتتجمع عليه بعد كده هنقشره ونشيل النواه ونحطه فى أكياس فى الفريزر ولما تحتاحى فى أى وقت طلعى كيس وأعملى أى وصفة بينفع أوى وبعمله بكذا طربقة
الطريقة الأولى البلح بالسمنة
فى طاسة هنحط معلقتين سمنة ويا سلام لو سمنة بلدى ولما تسيح ننزل بالبلح ونهرسه بالشوكه ونقلبه وبيتاكل بالعيش البلدى أو الفينو مغذى وبيدى طاقة وخصوصا الشتاء داخله علينا
الطريقة الثانية البلح بالطحينة
بحط البلح فى طبق وبهرسه بالشوكة وبنزل بمعلقتين طحينة ونقلب ويتاكل بالعيش اللى مجربش البلح الرطب بالطحينة فايته كتير أخر طعامه
الطربقة الثالثة البلح بالبيض
فى طاسة نضع معلقتين سمنة وننزل ب٣ بيضات ولما يستوى نضيف البلح ونقلبه وبتاكل بالعيش روعة
الطربقة الرابعة أسبريد البلح
فى الكبة نضع ربع كيلو من البلح الرطب وننزل عليه بمعلقتين طحينة ونص كوب حليب ونضربه بالكبة ونحطه فى برطمان وندخله الثلاحة نعمل منه سندوتشات للأولاد فى العيش الفينو وبيبقى سهل الفرد جميل ومغذى جميل وصحى جدا
الطربقة الخامسة نوتيلا البلح
فى الكبة نضع ربع كيلو بلح ونضيف كوب حليب و٣ معالق كاكاو خام ونضرب جيدا ونضيف كوب زيت بالتدريج لحد ما نحصل على القوام المطلوب نحط النوتيلا فى برطمان وندخله الثلاجة ونعمل سندوتشات أو نزين بيها الكيك والحلويات مغذيه وصحية جدا وبدون سكر
الطربقة السادسة عجوة البلح
هنجيب نص كيلو بلح ونحطه فى طاسة ونهرسه ونقلب فيه لحد ما ينعم نضيف عليه معلقتين سمنة وربع كوب سمسم ونص م ص قرفه ونقلب ولما يبرد نحطه فى أكياس ونفرده وندخله الفريزر تحشى بيه القرص والمعجنات
الطريقة السابعة عصير البلح باللبن
فى الخلاط نضع البلح ونضيف الحليب وماء مثلج وقليل من السكر ونخلط جيدا يصب فى الأكواب
قولولى بقى الطريقة الكام اللى عجبنكم
ولا تنسوا الصلاة على النبى
