متابعه/غادة إبراهيم
لما تحسي بهبوط ومش قادرة تقفي.. متسكتيش!
أيام الحر الشديد زي دي، بنات وستات كتير من سن ١٧ وطالع بيشتكوا من:
– نهجان بدون مجهود
– هبوط مفاجئ
– وش شاحب وصفره
– إحساس إن الجسم “فاضي” ومفيش طاقة
تروحي للدكتور، يقيس الضغط يلاقيه 100/70 أو 90/60، يقولك:
“مفيش حاجة.. يمكن نفسية أو توتر!”
لكن الحقيقة غير كده!
في حالة بتحصل بسبب الجو الحر اسمها “هبوط ضغط نتيجة توسّع الأوعية الدموية”
لأن جسمك أصلًا ضغطه واطي طبيعي، ومع الشمس والحر، الأوعية بتتفتح زيادة (vasodilation)، فيقل الدم الواصل للمخ والعضلات، فتحسي بالإرهاق، الدوخة، والنهجان.
ودي مش دلع، ولا توتر، ولا “نفسية”
دي حالة حقيقية بتحصل فعلاً، وبنات كتير بتعاني منها الأيام دي.
إزاي تتصرفي؟
1. لو حسيتي بالهبوط:
اقعدي في مكان ظل فورًا
كلي حاجة مالحة (مخلل، بسكويت مملح، أو حتى لب)
اشربي مشروب فيه صوديوم
2. لو الحالة شديدة:
في المستشفى، بيتحقن محلول ملحي (saline) عن طريق الوريد
لتر أو نص لتر يساعد الجسم يتعافى بسرعة.طبعا تحت إشراف طبي وفى مستشفى بعد قياس الضغط
3. نصيحة مهمة:
ماتمشيش في الشمس وأنتِ صايمة أو جعانة
لازم تفطري حاجة مالحة قبل النزول
اشربي كويس واهتمي بجسمك
اللي يقولك “انتي بتدَلّعي” هو اللي محتاج يراجع معلوماته!
افهمي جسمك، واسمعي له.. صحتك مش محل استخفاف
