غادة إبراهيم
اللي على طول متهم ومحدش مديني فرصة أدافع عن نفسي
الناس اللي بتقول بلاش الخل ده بيزفر الفراخ
انتو فاهمني غلط
أنا اللي بنظف الفراخ وبشيل الزفارة
أنا اللي بخلي الطعم مظبوط
أنا اللي لو اتعاملتي بيا صح أظبطتلك الأكلة
اللي بيقول عليا بزفر يمكن استخدمني غلط
يمكن زودني وهو مايعرفش
إزاي يشطف بيا الفراخ من غير ما أسيب أثر ولا ريحة
عارفين ايه احسن استخدماتي
بشيل الزفارة من الفراخ .. بس استخدميني صح
لو هتحطيني على سائل المواعين
هنضف المواعين وأشيل أي ريحة زفارة أو دهون جامدة او اي رواسب من الصابون
لو حطيتني على الرخامة هطهرها و أنضفها وأسيبها تبرق وهقتلك كمان البكتيريا
لو ترشيني على الأرض هبعدلك النمل
واي حشرات
لو عندك هدوم جديد وبتطلع لون قبل ماتغسليها انقعيها في مياه بشويه مني هثبتلك اللون
حطي مني شوية في الغسالة هظبطهالك وهشيل منها اي ريحه وهخليها تنظف
لو حطتيني مع الكربوناتو هعملك أقوى خلطة
تنظيف لأصعب البقع والدهون
لما تسلقي بيض حطي مني شويه في مياه السلق
طب تعرفي أن لو ناموسه قرصتك ومسحتي مكان القرصه بمسحه خل مني هخففلك اثر اللسعه .. اي خدمه
ولو عملتي مني تونر للشعر هقضيلك ع القشره والبكتريا بس خدي بالك انا بنشف الشعر شويه
