الشاعر /احمد_قدري
عشقك احساس عجيب
ياعايشة في كل ذكري
مهما ابعد واغيب
ياحلوة االزمان
ياام الهرم والنيل
يلي في ارضك امان
والسحر ماله مثيل
وعلي الطريق الصعب
نمشي بكل الحب
انت اللي جوة القلب
وفي كل خطوة دليل
انا عشت ليكي العمر
بهواكي انا بجنون
لو ح امشي فوق الجمر
كل الصعاب بتهون
يابهية فيكي الروح
وف قلبي فين مابروح
وانا مهما الف بشوفك
اجمل بلاد الكون
غنيت انا الحكايات
ومشيت علي دروبي
لاعمر حلمك مات
ياامصير في مكتوبي
غنيت ليكي المعاني
ولسة هااغني تاني
يلي في بعدك بموت
وبعيش عالذكريات
متغرب عن دياري
مشتاق انا للحنان
والشاي وقت العصاري
واللمة والآمان
مشتاق لعيون جميلة
والسهرة في كل ليلة
محتاج في بحر حبك
افرد شراع وساري
يابلادي ياباقية يلي
انا منك من زمان
من شهد النيل احلي
واعشق سحر المكان
ياقلوب مليانة طيبة
راجعلك بعد غيبة
يابلاد سمحة وحبيبة
فيكي كنيسة وادان
_____
