٩ رمضان…….الفتنة المختلقة
بمناسبة اللي بيحصل في سوريا حاليا واللي يعتبر استمرار لصراع طائفي قديم ، وللأسف اتبني علي أكاذيب وفتن ودسائس من بعد موت رسولنا الكريم وبداية عصر الخلافة….
ناس كتير متعرفش ان أمير المؤمنين علي بن ابي طالب (رضي الله عنه) كان ليه اولاد أسماؤهم: أبو بكر، وعمر، وعثمان.
طيب مين حيسمي فلذات كبده بأسماء اشخاص هو أصلا بيكرههم أو بيعاديهم او بيتهمهم بظلمه؟.
طيب حد يعرف ان علي وافق علي زواج بنته أم كلثوم من الفاروق عمر ؟
طيب ينفع ده وهو بيكرهه؟
لو حاولوا يقنعوك ان أهل البيت اتظلموا من الخلفاء الأوائل….إسألهم فين الكراهية وكتير منهم سموا اولادهم علي اسم ابو بكر رضي الله عنه ومنهم:
1/ أبو بكر بن علي بن أبي طالب.
2/ أبو بكر بن الحسن بن علي.
3/ أبو بكر بن جعفر الصادق
4/ أبو بكر علي زين العابدين
5/ أبو بكر علي بن موسي الكاظم.
فين الكراهية وكتير منهم سموا اولادهم علي اسم عمر رضي الله عنه ومنهم:
1/ عمر بن علي بن أبي طالب.
2/ عمر بن الحسن بن علي.
3/ عمر بن علي زين العابدين.
4/ عمر بن موسى الكاظم.
فين الكراهية وكتير منهم سموا اولادهم علي اسم عثمان رضي الله عنه ومنهم:
عثمان بن عقيل بن أبي طالب وعقيل هو اخو علي
فين الكراهية وكتير منهم سموا بناتهم علي اسم عائشة بنت ابي بكر رضي الله عنها ومنهم:
1/ عائشة بنت جعفر الصادق.
2 / عائشة بنت موسى الكاظم.
3/ عائشة بنت جعفر بن موسى الكاظم
4/ عائشة بنت علي الرضا.
5/ عائشة بنت علي الهادي.
المحبة كانت موجودة بين أهل البيت من ناحية ، والصحابة الكرام أبي بكر وعمر وعثمان وعائشة رضي الله عنهم أجمعين من ناحية تانية.
التفرقه ودس الاحقاد بين المسلمين اللي اشتغلت زمان ولسه شغالة… كلها متخططة من كارهي الأمة علشان نفضل نكره بعض ونفضل نقتل بعض .
يتبع …..
