“دخان الشيشة”
دخانه الطالع
م الشيشة
بيفكر
راح يعمل إيه
في بكرة
ما هو مش متعود
ع العيشة المرّة
يشوفوه الخلق
يقولوا عايش
واهو فعلا
عايش متعايش
مش حبا يعني
في الحياة
ما اهو اصله
وراه كام مليون هات
ويرد يقول بكرة هتتعدل
واهو أصلا خايف
من بكرة
راح يجي عليه
يلقاه قاعد نفس القعدة
عمال بيقاوح في الدنيا
والدنيا مفيش يوم
جات تنصف فيه
عمالة تشيل وتحط عليه
لكنه معاند وبيضحك
يمكن يجي يوم وتحن عليه.
سحر ابوالعلا
