أخبار محافظاتحوادث

اسماعيل رسلان بطل من الصعيد

اسماعيل رسلان بطل من الصعيد

متابعة: د. محمد رمضان

كان راكب ميكروباص ومروح بيته عند ترعة على طريق الأربعين بين مركزي نجع حمادي وأبو تشت، شمال محافظة قنا.. وجد تجمع كبير من الاهالى طلب من السواق يتوقف يشوف فى ايه… ولما نزل وجد ميكروباص واقع في الترعة وفيه 15 طفل وطفلة كانوا رايحين حضانة والناس واقفة تتفرج ومفيش حد عارف يعمل حاجة.. حالة غريبة من إلا مبالاة من الناس والميكروبص هيغرق فى الميه والأطفال بتصرخ.. اسماعيل من غير تفكير قفز فى الميه بهدومه والموبايل فى جيبه وفلوسه كل تفكيره ينقذ الأطفال.. مع انه لا يجيد السباحة وبالفعل قد يفتح الباب وابتدا ينقذ الأطفال والناس تشجعه وتاخد منه كل طفل قدر ينقذه لحد ما طلع 14 طفل… والميكروباص بقا فاضى… طفلة صغيرة صرخت وقالت صحبتى مطلعتش الحقها يا عمو.. نزل اسماعيل وفضل يدور في الميكروباص وجده فارغ… صرخ فى الناس حد ينزل يساعده فى بنت مش لقيها.. تطوع شخصين ونزلوا معاه وقدروا يحركوا الميكروباص ووجدوا الطفلة قد فارقت الحياة تحت عجلات الميكروباص … اسماعيل شالها وهو بيبكى ويقول يارتنى قدرت انقذها… مش بس كده ده راح حضر عزائها ووقف بنفسه يتقبل عزائها.. الناس عرضت عليه موبايل جديد غير اللى باظ وفلوس ولكنه رفض.. الاهالى شكروه لانقاذ عيالهم وقالهم ربنا جعلني سبب مش اكتر… اسماعيل انسان ويستحق كل الإشادة كان ممكن يقف يصور زى اللى واقفين.. كان ممكن يقف يتفرج زى اللى بيتفرجوا ويقول انا مبعرفش اعوم ولكنه خاطر بحياته عشان إنقاذ أطفال صغيرين كان ممكن فى لحظات يكونوا مجرد خبر فى جريدة ووفيات واهليهم يبكوا عليهم ابد الدهر.. اسماعيل هو المفروض تجرى وراه القنوات الفضائية ويعملوا معاه لقاءات مش واحد كل بطولاته انه انطرد من محل كشرى او واحد كل بطولاته اغنيه.. اظهروا النماذج الحسنة للمجتمع زى ما بتظهروا النماذج السيئة.. بينوا للناس ان فى امل في بكرة..

طول ما فى نماذج كويسه فى المجتمع سيظل هذا المجتمع فى خير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى