رقية فرحت عقبال الباقي
دعاء موسى
خلال الأسبوع الماضي كان في حملة تبرعات من خلال السوشيال ميديا لجمع ٤٠ مليون جنيه لعلاج طفلة مريضة بالضمور العضلي الشوكي.
ال ٤٠ مليون دول ثمن حقنة واحدة بس أثناء الحملة بقى وأثناء متابعتي للايف التبرعات واللي الحمد لله زادت عن حاجة رقية لكن اكتشفت ان في أطفال كتير غيرها بيعانوا من نفس المشكلة.
شوفت حضانات بتلم من الأطفال كل طفل ٥ جنيه دعم لرقية.
شوفت أسر اتبرعت بمصروف بيتهم يوم او اسبوع واتبرعوا لدعم رقية.
اقسم بربي شوفت ناس يا دوب عايشين يوم بيومه واتبرعوا لرقية.
وفي نفس الوقت التلفزيون بيعرض اعلانات بالملايين والجمعيات الخيرية بتصور اعلانات بالملايين مع ناس محتاجة وتلاقي الحالات لازم يقعدوا ساعة يعيطوا ويتشحتفوا في الاعلان عل؛ انفي الاخر يوغرلهم علاج ولا سقف ولا وصلة مياه.
طب ايه رأيكم لو فلوس قللنا الإعلانات ٢٥ ٪ بس وحطناهم باسم الشركة المعلمة في حساب خاص بدعم الأطفال مرضى الصمور العضلي الشوكي وتعمله مؤشر كدة زي مؤشر الكهرباء اللي بيظهر في التلفزيون اقسم بالله هتكسلوا اكتر وهتكون افضل دعاية ليكم وهتكون صدقة بتحيوا بيها اسر كاملة مش أفراد.
رجال الأعمال خصصوا ٥٪بس من ارباحكم لدعم الأطفال دي.
لحد امتى هنفضل نعاني ونجمع تبرعات لعلاج ولادنا.
رقية فرحت عفبتل سيرين وايسل وعلياء وفريدة و َادم َو مالك.
عقبال كل طفل مريض ما يفرح ويلاقي علاجه.
دعوة لرجال الاعمال اخرجوا برة الصندوق واعملوا دعاية من خلا التبرع للأطفال ومش لازم مصورهم واحنا بنتبرعلهم وانزلهم بالتبرع دة كفاية بانر يتعلق في مكان عام ان شركة فلان بتدعم الأطفال مرضى الضمور العضلي او مرضى العسكرى او مرضى الهيموفليا اي يكن دعمك هيتوجه لمين ساعتها هت؛ وفو فرق البركة.
ما نقصمالمم صدقة حقيقي نفسيتنا تعبت احنا بنشوف كل يوم حالة جديدة مش لاقية علاجها.
اللهم فرجا قريبا.
