حب العمر كله
سحر ابوالعلا
أنا كنت بتونس بضلك
كنت لما تهل
قلبي يتلفت لحسك
كنت بستناك تجيني
لجل يلمع ضي عيني
كنت لما تغيب ساعات
نبضي يتحول آهات
يوم ما شفتك
يومها حب الدنيا كله
اتزرع لك بين وريدي
يومها قلت للحب اهلا
وقلبي قال اهلا بعيدي
ياللي بس بقربك انت
احلوت سنيني
كنت عارفة انك هيجي
اليوم وتلاقيني
كنت بتدور عليا
ما انا كنت برضو
قبل منك تايهة
وبدور عليك
زي طفلة خايفة
واطمنت ما بين اديك
