……
سحر أبوالعلا
نفس الكافيه اللي بيقعد فيه من سبع سنين تقريبا أول مكان قابل فيه سارة لكن النهاردة وهو داخل لمح ان في حد قاعد قاعد في المكان اللي متعود يقعد فيه، فدخل قعد علي ترابيزة تانيه. لكن بعد ما قعد اخده الفضول انه يبص علي الترابيزة اللي متعود يقعد عليها من كام سنه.
ياااااه معقول تكون هي معقول نتقابل صدفه وفي نفس المكان بعد كل السنين دي.
اه فعلا هي سارة زي ما هي متغيرتش لكن اللي اتغير فيها المرة دي انها مكنتش قعده لوحدها زي أول مرة اتقابلنا فيها كان معاها بنوته صغيرة جميله جدا طالعه لمامتها.
فكرت اقوم اسلم عليها واقعد معاهم لكن قولت لا انا هعمل نفسي مش شايفهم واخد قهوتي زي كل يوم وامشي، لكن بعد شويه مقدرتش لقتني قمت ورحت ناحية التربيزة بتاعتهم.
آه نسيت اعرفكم بنفسي انا أحمد أنا وسارة كنا بنحب بعض من 7سنين تقريبا بعد سنتين حب قررت اخطب سارة بس بباها رفض لإنه كان مقرر يجوزها لهيثم ابن شريكه في الشغل.
ووقتها غصب علي ساره انها تتخطب لهيثم وانقطعت علاقتنا من وقتها، لكن انا مبطلتش اجي الكافيه اللي اتقابلنا فيه اول مرة طول السنين دي 5 سنين كل يوم علي نفس الترابيزة اللي كنا بنقعد عليها دايما.
اكملكم رحت ناحية سارة وكلمتها.
احمد. مساء الخير يا سارة.
سارة. ايه ده احمد معقول الصدفه دي مساء النور.
احمد. اخبارك ايه تسمحيلي اقعد معاكم ولا مش هينفع.
سارة. انا تمام الحمدلله اتفضل طبعا.
احمد. بنتك دي مش كده.
سارة. ايوة بنتي سيليا.
احمد. سيليا سمتيها سيليا.
سارة. ايوة يا احمد مكنش ينفع مسميش بنتي سيليا نفس الإسم اللي اختارناه سوا.
احمد معقول يا سارة منستيش.
سارة. طبعا يا احمد منستش. انسي احلي ايام عمري.
احمد. وطبعا هيثم جوزك وافق على الاسم.
سارة. تقصد هيثم طليقي.
احمد. ايه ده انتو اطلقتوا.
سارة ايوة.
احمد معقول ليه كده ده كان بيحبك.
سارة. ايوة كان بيحبني انت قلت بنفسك
احمد يعني ايه.
سارة يعني هو كان بيحبني انما انا مقدرتش احبه. هيثم حد كويس بس انا معرفتش احبه.
احمد وبباكي.
سارة. بابا. بابا كفايه انه غصب عليا اوافق علي الجواز.
احمد. ممكن تحكيلي.
سارة. كل الحكايه بعد ما سيبنا بعض وهيثم اتقدملي طبعا بابا وافق اصلا هو وبابا هيثم كانوا متفقين على كل حاجه في خلال كام شهر اتجوزنا حتي مدانيش فرصه اني اقدر اقرب من هيثم او اعرفه.
وبعد الجواز لقيتني عايشه مع حد معرفوش عشت سنتين بحاول اقرب منه وافهم شخصيته
حتي بعد اول سنه جواز ولما جت سيليا معرفناش نقرب من بعض وبعد سنه وقبل حتي منحتفل بأول عيد ميلاد لسيليا كنا منفصلين.
سارة المهم انت اخبارك ايه طمني عليك اكيد بقي اتجوزت وبقي عندك بيبي.
احمد انا معرفتش اشوف حد بعدك يا سارة.
سارة معقول يا احمد 5 سنين.
احمد ايوة يا سارة 5 سنين بدور عليكي في اي بنت تانيه معرفتش اشوف حد غيرك علشان احب تاني.
احمد. سيليا حبيبتي ايه رأيك تقبلي اكون بابا
سارة تتجوزيني يا سارة.
سارة. طبعا
#السلطانه
