شعر وادب

وجعك استغفار

وجعك استغفار

راندا محمود

صوتك فى الانين تسبيح

تقلبك فى وجعك استغفار

نومك اللى مش مريح

كل عضمك اللى بينهار

لما بتتحرك ليل ولا نهار

وانا على اختار

اتفرج؟

ولا اهزر و اهرج

اسهيك واحكى الهيك؟

عن وجعك حبة صغار

ارجع و اسأل ايه بيك؟

تحس الحمد ساكنك

كأن كل الوجع مش منك

وانت شاطر م الشطار

صاحبت وجعك

راضى عن رزق ربك

ايوه فيه رزق فى مرضك

فيه شكر و حمد و رضا

فى ايدين بتترفع للسما

و تدعى وتقول لربنا

اشفى كل موجوع مش بس أنا

وانا آجى ايه فى مرض ايوب

اجعلنى بدل الشكوى اتوب

واغسلنى من الذنوب

واتقبل يا رب حبك

اللى فى القلوب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى