لوحة شرف
بقلم إيڨيلين موريس
بلدي وهي القصد ورئيسها عينها والنني
نامت في يوم العيد فرحانه تهني و تغني
صحيت في يوم تالي بتبكي بنزف وبتنعي
زينة شباب البر ولدها الحر وجنوده
واقف في عز الحر
بيحمي لنقطة ميه بلت يوم جفاف ريقه..
هاجمتهم عناصر الشر إتصدوا لها فقتلوهم
وهربوا الجبناء
لكن شبابنا حلفوا بروح إخواتهم الشهداء يجيبوهم..
إرهابي خسيس والخسه طبعك وفيها لونك
علي نار جهنم بتجري ونهايتك كاتبها علي إيدك..
وجندي بلدي الشريف شهيد وملايكه لروحه بتهني
رايح سعيد ع الجنه وقلبه يهلل و بيغني..
عمل واجبه لآخر قطره من دمه
وجه وقته يرتاح ينام من غير دمعه على خده ..
