شعر وادب

اجيب لك إيه ؟

……………….
حبيبتي
وانا جاي عاوزة
اجيب لك إيه ؟
هات لي أمان
وقلب يكون مليان حنين
وحب متغيروش الأيام
هات لي مودة ورحمة
وقلوب لسة متسامحة
هات لي بيت
بالحب واسع
حتى لو اوضة
هات لي قلب يساع
حزني قبل فرحي
هات لي كتف يشيل
ارمي عليه حملي
وهات لي كمان
ناس زي ناسنا زمان
قلوبهم صافية
لا يعرفوا كره
ولا بتغيرهم الأيام
هات لي حضن ابويا
وبيت جدي
ولمتنا
هات لي اخواتي واصحابي
نتجمع تاني زي زمان
نجري ونلعب
نرسم سيجة فوق
سطوح بيتنا
وان مرة زعلنا
ننام ونصحى
ناسيين اصلا زعلنا ليه
ومفيش في قلوبنا
غير الحب عايشين بيه.
……………….
سحر ابوالعلا
#السلطانة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى