فجأة
وفجأة لما تكون هنا
الكل هيحبك
واللي فاتك فجأة
هيتمنى ترجع ويتمنى
لو يصون ودك
والكل هيقول
ياااااه ده كان طيب
كان حنين من الصغير
والكبير كان قريب
واللي ناسيك راح
يجي ويمشي في جنازتك
بعد ما كنت لوحدك
فجأة هيتجمعوا حواليك
بس هي ساعات
أو يمكن دقايق
والكل هيمشي وينشغل عنك
زي ما انشغلوا عنك
في حياتك
والحياة من بعد منك
مش راح تقف عليك
يمكن تجي ع بالهم
صدفة فيدعوا لك
ويمكن ينسوك زي
ما كنت بينهم وناسيينك
سحر ابوالعلا
