التحريض على الفسق والفجور بقلم الاستاذ محمد ورد المحامي بالاستئناف العالي ومجلس الدولة. انتشرت فى الفتره الاخيره صفحات كتير بتعرض خدمة المساج وبتعلن أنها بتوفر مدربين ومدربات حسب الحاجه وده عن طريق صفحات الفيس بوك أو طرق التواصل الاجتماعى بس خلى بالك انت بكده وبدون ماتشعر بتحط نفسك تحت طائلة القانون وبتلاقى نفسك متوجهلك اكتر من تهمه … !!!
طيب ازاى … ؟؟؟ ايه هى التهم دى … ؟؟
1 – مزاوله مهنه بدون ترخيص ( طبعا ده لو كان فى مزاوله نشاط أو عمل تجارى زى مابيكون مكتوب فى الإعلان )
2 – التحريض على الفسق والفجور ( وده بيكون عن طريق تقديم خدمة المساج عن طريق مدربين ومدربات لقاء مبالغ ماليه متفق عليها مسبقا )
3 – وده الأهم والأخطر هى تهمة إساءة طرق التواصل الاجتماعي لمخالفتها القانون 175 لسنة 2018 بشأن الجرائم الالكترونيه وتقنين المعلومات
علشان كده خلى بالك لأن الجرائم الالكترونيه بتنظرها المحاكم الاقتصاديه
ملحوظه_هامه في قضايا التحريض_علي_الفسق_والفجور
مش أي حد يتمسك في كافيه أو علي البحر أو في الشارع يتعمله قضيه تحريض علي الفسق وياخد حكم أو يتحبس .. لأن أهم شرط في جريمه التحريض إن المتهم يكون معتاد علي تلك الجرائم يعني مسجل يعني عنده قضايا من ده قبل كده غير كده #براءه طبقا لاحدث الأحكام الجنائيه في هذا النوع من القضايا مراجعة واشراف رئيس القسم القانوني المستشار هشام شبيطه
