شعر وادب

لما تليفونى يرن

 

لما تليفونى يرن
وآجى أرد
اشوف اسمك
قلبى يطب
ده مش شوق
ولا دقة حب
ده يبقى صد
مش عايزة أرد
مش عايزة اعرف
ح تقول ايه؟
انا عارفة اللى ح يتقال
لوم و شكوى
وبختك مال
وخد م الهم
و على راسى حط
كلامك تلج وسقعة و برد
آخدت الشوك اللى ف الورد
ورميت منه الريحة و اللون
مش ح افرح بدقة التليفون
دى ف ودانى دقة هون
مش ح استنى منك لوم
ح اسيبه يرن
وح اوطى التون

راندة محمود

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى