أحلى عيد حب فحياتك ….. و انت متونـس بذاتــك
و انت حـابب كل ثانيـه …. و كل لحظه ف ذكرياتك
و انت متصـالح و هـادي …. حد عمره ما يوم يعادي
عمـر ما الأيــام تعــاندك …. وانت عندك قلب راضي
دمعتـك تاخد أجـازه … ضحكتك عود خضره طازه
الحياه سكر ف عينك ……. و السنيـــن ٱخــر لـــذاه
في البساطه قلـب شيك …. و الايمــان بالله ماليـك
السعـاده تشوف عيونك …… تجــري و تـدور عليـك
و السعاده مهيش قصور …. و ناس معليهـا الغـــرور
يامـا خلق إيديها طايله …….. بس من جــواها بـور
يامـا ناس تمـلك بنــوك … بس طارحه سنينها شوك
و ناس ما تملكش الا ستره .. بس أسعـد م الملـــوك
ياللي مفهـــومك بعيــد …….. الخلاصــه و المفيـــد
كل يوم بتعيشه مرضي …. هوه مليون عيـد وعيـد
.
. احلى عيد حب فى حياتك
.
الشاعر اللواء محمد هيكل
