للي ما يعرفهـــــــوش
الاســم محمـد حسـان ……. الميري عليه كان متجسم
القلب بإحسانه مــلان ……. و الوش برئ أوي متبسـم
أسأله عن إسمه المنصوره .. وعساكره وناسه وأحلامه
البطـل الماثل ف الصـوره .. مع أربــع زهــــرات أيامــه
كل اللي شافوه أوعرفوه .. يشهـدوا ف الحق إنه جرئ
( القلـب الميـت ) سمـوه .. مـع إنـه أحــن المخـــــاليق
في الجد يبـان واحد تاني .. و لا يقـدر مين حتى عليه
بس ان اتمـكن م الجـــاني .. يتقـي ربنــــــــا جـدا فيـه
كان حـافظ لـ كتـاب الله .. ولافرض يفوته ان كان فين
طيـب و حنـون من جـواه .. لكن بتهـــــاب منـه العيــن
الجنــه بتنــده يا محمــد .. و نشوفـك بقى يـوم الـدين
إتهنـى هنـاك و ماتقلقشي .. إخـواتك هنـا مش ساكتين
سلم على .. أحمد متولي … وعلى السواح وعلى بكير
ع الغالي كريم وعلى سباعي .. و بلغهـــم إن احنا بخير
و ان انتو النور على ملامحنا .. هينــور دايمــا و يقيــد
هما اللي يروحوا عشانا احنا .. إزاي ننســاهم يا شهيـد
.
.
.
إلي جنات النعيم يا محمد
الشاعر اللواء محمد هيكل
