شعر وادب

قصيدة كان فيه ملك بألف جناح

كان فيه ملك
كان فيه ملك بألف جناح
جناح نور و جناح دهب
و جناح مفتوح
بيلف البلد بسؤال مطروح
مين السليم و مين مجروح؟
مين مخنوق ؟
و مين ردت فيه الروح؟
كل يوم يقعد فوق الجبل
بقلب حزين
ما فى حد سليم؟
كل البشر مليانة جروح؟
فى شهر ملت دموعه نهر
النهر كانت مايته قهر
اللى يشرب منه
يفضل عطشان ابد الدهر
قرر يغطى الميه بشجر الزهر
ويدفع جناحاته مهر
كل يوم ح يرمى جناح
عشان واحد م البشر يرتاح
وقف فوق الجبل
عشان يبدأ العمل
كان عنده أمل
يحقق نجاح
هبت الرياح جواها رمل
غمض الملك عنيه
خلاص مش بأديه
وقع واتفتت جناحاته
وفقد الملك حياته
بس قبل ما يموت
سمع فى الفضا صوت
للبشر رب موجود
هو الأله مسئول عن الحياة
مين مرتاح مين تعبان؟
مين شبعان مين جعان؟
دى مش شغلة حد
لحد هنا وانتهى العرض
ما فيش ملايكة ع الارض
والعمر لفترة محدودة
ولحكمة موجودة
فيه العم سعادة
و فيه العم حزين
وبين دا و دا
لازم ندوق الاثنين

بقلمى
راندة محمود

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى