الستر مش بالفساتين
و الدفا مش بالباطاطين
افهموا يا بنى آدمين
عايزين حنان و حضن أمان
احنا على طول خايفين
بنات و يتامى
ط
وكل منانا..سقف وحيطان
مضللين
اتحطنا فى دور رعاية
ح يدور علينا مين؟
والحماية……….
بيكون هو النخاس
دهبه نحاس
برجله بننداس
موطين الراس
ايامنا شتا …
متلجين،
ولو لبسنا اغلى الفساتين
ساقعنين،
ولو فوقنا كتير بطاطين
مبلولين من المطر
عايشين جوه الخطر
واحنا لسه صغيرين
من غير أهل
من غير ضهر
ماشيين على مهل
مش مستعجلين
مفيش ايدين حنينة
ولا قلب يوسع لنا
مش ذنبنا وجودنا هنا
بنرفع ادينا لربنا
يكون عندنا
ستر فى روحنا
و دفا فى قلبنا
راندة محمود
