كتبت: سحر أبو العلا
لو سمحتي يا نبيلة ترجعي معايا
_معدش ينفع خلاص يا احمد
بس انا لسة بحبك
_انت محبتنيش ولا عمرك عرفت تحبني
واتجوزتك ليه لو مكنتش بحبك
_اقولك انا اتجوزتني ليه عشان تبقى جنبك ست شيك تليق بيك وبشكلك الاجتماعي وجهة جميلة قصاد الناس زيي زي اي حتة انتيكة بتعجبك فبتشتريها ، بتشتريها بس عشان يكون عندك اللي مش عند غيرك عشان تكون حصلت على اللي غيرك مقدرش يحصل عليه وأول ما تحصل عليها تهملها زي أي حاجة تانية انت خلاص بقيت عارف انها ملكك هتسيبها وترجع تلاقيها ، انت محبتنيش يا احمد لأنك باختصار متعرفش يعني ايه حب ، انت مريض بداء التملك اي حاجة جميلة تشوفها قصادك لازم تمتلكها عشان بعد كدة تركنها.
ياااااااه انا كنت سيء معاكي للدرجة دي
_ انت لا كنت سيء ولا حتى العكس ، انت مكنتش موجود في حياتي اساسا، من فضلك يا احمد أخرج من حياتي يمكن بعدك اقدر الاقي نفسي من جديد ، اقدر اكون انا.
