شعر وادب

هي وهو

_______
سحر أبوالعلا

هي.. وحشتك
هو ..جدا
هي.. و مش بتسأل ليه
هو .. عارفة العصفور اللي بيقف كل يوم الفجر علي شباكك
هي .. ماله
هو .. انا اللي باعته يطمن عليك
هي.. انت كمان بتهزر
هو .. طيب عارفة الوردة اللي بتدخلي مكتبك كل يوم الصبح تلاقيها.
هي .. اه مالها
هو .. انا اللي بحطها
و عارفة كمان الشيكولاتة اللي بتجيلك مع فنجان قهوتك كل يوم الصبح و تيجي تحاسبي عليها يقولك الحساب وصل
هي .. اه عارفاها
هو .. انا اللي ببعتها.
هي .. و لما انت بتعمل كل ده بعدت ليه.
هو .. علشان انتي طلبتي مني أبعد و انا من يوم ما حبيتك عاهدت نفسي ما ارفضش لك طلب حتي لو على حساب نفسي.
هي .. بحبك.
#السلطانة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى