شعر وادب

إسمحولي عندي كلمه و اسمحيلي يا شيرين

 

الشاعر اللواء محمد هيكل

عندي 100مليون نموذج
في الصعيد و الفلاحين

في القناه و مطروح وسينا
وكل دار في الطيبين

للي شايفه كتير و راضيه
والرضا مالي العينين

واللي جوه القلب شايله
بس جوه القلب دين

واللي حامده و اللى شاكره
مهما هتجيب السنين
.

اللي حاضنه بيت وعيله
و اللي شايله جوز قعيد

واللي رابطه على وجعها
واللي راح منها شهيد

واللي مهما يحل ضيق
تبقى فرحه وتبقى عيد

واللي مهما الحال يضيق
تبقى ستر و تبقى إيد

تبقى زي الشمعه واقفه
وللجميع دايما تقيد

تدي للكل الأمان
والحنان منها يفيض

تتوجع لكن تبان
قلب أقوى من الحديد

.

إسمحولي عندي كلمه
يابنات وطني الحبيب

انتو فيكو ألف قوه
و عزم مش ممكن يخيب

انتو اجمل م الجواهر
انتو أصفى م الحليب

بنت بلدي دي راسها عليه
متلاقيش فسلوكها عيب

عمرها ما فيوم هتحلق
شعرها علشان حبيب

بنت بلدي في عز جرحي
هيه بتخليه يطيب

.
.
.

الشاعر اللواء محمد هيكل

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى