قد إيه الروح عزيزة ……………. وكل عمر و له أوانه
إلا وطنك لو يعوزك ……….. أي شيئ يرخص عشانه
الرجال ف الشدة تقدر …. والوحوش ف المحنه بانوا
وكل من أخلص لوطنه ……….. تلقى رب العزه عانو
.
اللي من جواه مٱمن …………. بالوطن دا و اللي فيه
واللي بتنفس ترابه ……… و اللي بيموت خوف عليه
في جيناته و ف مفاصله ……. و ف عروقه هتلاقيه
دا الوطن ع الحر أصله …….. أغلى م الضي ف عنيه
.
هيه دي كات روح ولادنا ……….. لما ف اكتوبر نوينا
ييجي حقك يا بلدنا ……….. و التاريخ يتحاكى بينا
مين دا بس اللي يعاديهم ……. لو تبات عينك حزينه
ودعوا بعض بعنيهم ……… و الميعاد كان أرض سينا
.
يسلموا جنودنا الأكابر …………. يسلموا من كل عين
حولوا رملك مقابر …………….. لـ الطغاه المغرورين
ملحمه و صبت غضبها ……….. فوق دماغ المعتدين
ملحمه واللي كتبها …………….. دم أبطال مخلصين
.
أصلبي يابلدنا عودك …………. وارفعي راسك كمان
كل واحد من جنودك ………. كان أسد جوه الميدان
أقسموا بعزه و إراده …………. و بعزيمه و ب إيمان
إما نصرك أو شهاده ……….. هوه ده العهد اللي كان
.
زغرطي يا ام اللي ضحى ….. بالحياه علشان نعيش
و المحي ف الجنه بيته ….. و اوصفيلنا و ماداريش
دحنا من ولدك أخدنا …….. درس عمره مايتنسيش
يعني إيه غاليه بلدنا ….. و يعني إيه ف بلدنا جيش
.
الدروس المستفاده ………. م اللي ف اكتوبر ياساده
اللى شجاعتهم بتبرق ………. م الباريه حتى البياده
إن روحك هيه شرفك .. ……. و انت بتنول الشهاده
وان وطنك هوه عرضك …. وان صون عرضك عباده
.
.
.
قصيدة الأكابر … بمناسبة 6 أكتوبر
إلقاء الطفلة هند عاطف .. البرادعة شبين القناطر
كلمات الشاعر اللواء محمد هيكل
