شعر وادب

رايحة فين يا بلدى

رايحة فين يا بلدى
أنا رايحة السوق
تعملى ايه يا بلدى
ح ازرع للناس برقوق
واروح السوق يا ولدى
والعالم كله يدوق
يالا قوام يا ولدى
يدك ف يد اخوك
ح ابقى فى يوم يا ولدى
اعلى وابقى فوق
وابقى تانى سلة
بالخير تتملى محاصيل
وببركة نبينا يوسف
ح نحمل و نشيل
والخير ف اديك يا ولدى
يكون كتير و تقيل
اتقل من كنز قارون
رايحة فين تانى يا بلدى
انا رايحة الفضا
تعملى ايه يا بلدى
الوقت خلاص انقضى
ع الانتخة و الرحرحة
والبرشطة على ناس
بتعد علينا الانفاس
آن الاوان يا ولدى
نقوم نعمل ابحاث
عن الفضا يا ولدى
نغلب فيها ناسا
نركب صواريخ نفاثة
ونبصم بادينا الاثنين
على كواكب و عوالم تانين
عندنا علماء يا ولدى
ليه مش مستعملين
رحلات القمر يا ولدى
فى البلاد التانيين
ح تبقى من بولاق لعابدين
رايح فين يا ولدى
ح أصحى اخواتى م النوم
ح اقومهم يا بلدى
من قدام التلفزيون
كفاية خلاص يا بلدى
فرجة على ماتشات
مش فاضين با بلدى
فى الجرى ورا تريندات
عشان ما نقولش يا بلدى
للعالم هات وهات
ويبصولى يا بلدى
على انى حرامى وشحات
لازم ترجعى يا بلدى
خلى قلب العالم يدق
بصوت عالى دقات
صحى العالم يا بلدى
تتفرج من سكات
عليكى يا فرعونة
………يا ايقونة
يا مهد الحضارات بقلم راندة محمود

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى