Uncategorized

انا مصر الجميلة     

انا مصر الجميلة                                                                 كنت ماشية على ورد النيل بنفسى
لابسة فستان ابيض هفهاف
و بدور حوالين نفسى
ماشية على خط نور القمر
و ياما كان فى نفسى
اوصل للقمر و من هناك
ابص على نفسى
كنت بجدل شعرى ضفاير
وألم فستانى اللى طاير
اعمل لنفسى دواير دواير
واعمل خطوط
والف على كل البيوت
واعرف عن نفسى
انا مصر الجميلة
ام الطرحة الطويلة
اللى رمياها فوق نفسى
وفرشاها تحتية
واخدة من ولادى حنية
وغيرة لوحد اطاول عليا
ابنى جوا المصنع جبار
بيلعب بالحديد و النار
عايز يتقدم بيا
يوقفنى ف مكانى زمان
راسى فى اعلى مكان
ورجلايا فوق الدنيا
انا الحلوة ام الفستان
اخضر لون عود الخير
ابنى اللى بيزرع ارضى غير
عايز يشيلنى على جناح الطير
يكفينى ما يحوجنى
ما يوقعنى ف بير
حد يتحكم فيا ويقول تغير
ويجبرنى اقلع فستانى الجميل
ويحط عل كتافى ويقول شيل
وانا من همى اتملى تجاعيد
ويشيب شعرى
و يخلص من ايامى العيد
خفت وجريت اتحمى ورا ضهر ابنى
ابنى الساكن ف قلب الجيش
مد ايده خبانى قالى ما تخافيش
دا انتى ام العالى الغالى
اللى عشانك يموت شهيد
ولا يشوفكيش
خايفة يوم ..ولا يوم يعيش
لو شافك خلعة توبك و لابسة الخيش
لو شاف جمالك دبلان
ما فيش.. حد يومها ح يكون فى امان
من ابنك الغضبان
كله ح يكون فى النار و ما يكفنيش
العالم كله يموت عشان امى مصر تعيش
الجبال كلها تدك ومصر تفضل ام الدنيا
البحار كلها تترج وهى ع القمر عاليا
والجو يتملى بالغيوم
عشان الغالية اما تقوم
كله يقعد فى الارض
واللى علا ف يوم ح يزول
ومصر امى اللى ح تدوم
هى الفرض و الشرف و العرض

راندة محمود

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى