يووم ما العالم اتغير. سمع هس اجمع هنا ورص
شيل ايدك من على ودانك
شيل ايدك من على عنيك
نزل ايدك جنبيك واقف انتباه
ح احكى لك يوم ما العالم اتغير
كنت لسه ولد صغير
كنت اعدى جنب الجنود
ابقى ح اموت عايز البس زيهم
ابقى خايف عليهم
مش عارف فين اخبيهم
بس انا طولى صغنطوط
وهو مارد مفرود
وح يخرج م القمم ويفوت
ح يحرر كل القلوب
اللى كانت كل يوم بتموت
وهى شايفة ارضنا منداسة
وحقنا منهوب ويا دوب
خرج المارد م القمم بجناح تنين
بيضرب شمال و يمين
نار غضبه حرقت ولعت ميادين
فى ست ساعات العالم اتغير
ما فيه حد فيكى يا مصر كان صغير
الكل كان كبير كانت حرب التحرير
وجيشنا التنين من تلاتة و سبعين
واقف فوق اعلى مسلة
ضامم جناحاته الاتنين
رافع راسه للسما
والكل قدامه انحنى
وقال انا الأولا أنا الدولة
اللى ناصرها ربنا. بقلم راندا محمود. 
