اجمل نيل

و هتجري الميه ب إيد ولدي ……… أو بالجبروت
و هنزرع ورد من البلدي …………. و هنزرع توت
ولا حد فيوم مره هيفرض ….. على بلدي شروط
و انت كنت صحيح ناوي تعانـده فا استنى الموت
.
هتقوللي سدود هتلاقي أسود ….. عدوا الملايين
العقل حكيم .. والقلب بارود …… والمولى معين
بحراوي صعيدي وسيناوي ………… كلنا ناويين
والله .. لنزرعها …كتايب ………. فل و ياسمين
.

و هنزرع سكر ….. وبنادق ……… ليها ألف زيناد
وهنزرع أحلام على كيفنا ……… و ف أي ميعاد
أرضنا و احنا الاحرار فيها ………. واحنا الأسياد
و اللي هيتشرط …. هنخللي ……… أيامه سواد
.
المصري مفيش أطيب منه …. دا أصيل من بيت
و ف ثانية بيقلب 100 عنتـر ….. لو مره عاديت
الميه دي أرض و بيت و حياه …. وشرف أجداد
و ان جيت ناحية مصري فعرضه فا الرد مميت

الميه مهيش نيل ومراكب …… و غنا و مواويل
الميه مهيش هعطش واشرب ….. وهشد الحيل
الميه دي روح شعب بلادي ……. وبلادي محال
هتفرط في النقطه الواحده …… من أجمل نيل
.
.
.
الشاعر اللواء محمد هيكل