…..
متابعه/غادة إبراهيم
فيه كتير مننا من اصحاب المعاشات والمستفيدين ميعرفوش يعني ايه منحه زواج او منحه طالب
حيث يستحق كلا من الابن او البنت منحه
اذا كان ابوهم مؤمن عليه وتوفى وهم مستفيدين في معاش والدهم
فيستحق الابن الغير متعلم معاش حتى سن 21 سنه
وبعد السن ده يتقدم للتأمينات او المعاشات لصرف المنحه
لازم يجى يقدم طلب صرف المنحه بالبطاقه بس
اما الابن المتعلم سواء كان معاه شهاده اعدايه او مؤهل متوسط او معهد فوق متوسط يستحق معاش حتى سن 24 بعدها برضو يروح التأمينات ومعاه اصل المؤهل + 2 صوره منه + صوره بطاقه
ويقدم طلب صرف المنحه ” الطلب موجود فالمعاشات ”
اما الابن صاحب المؤهل العالى او معهد عالى ” 4 سنين ” فيستحق معاش حتى 26 سنه
بعدها يقدم طلب منحه مع نفس الاوراق السابق ذكرها
فى حاله بلوغ سن من السابق ذكرهم ولم يتقدم الابن لصرف المنحه هيتم خصم نسبه معاشه لحين تقديم الطلب
وبعد التقديم هيرجع اللي اتخصم تاني للارمله
ملحوظه
سيتم قطع معاش الابن عند بلوغه سن 21 سنه
لحين اثبات انه لسه فالتعليم
ويتم قطع معاشه ف 24 سنه حتى يثبت انه بيدرس فالكليه أو خلص كليه زي تحديث بيانات كدا
واي فتره تم خصمها هترجع بكاملها بعد تقديم الأوراق المطلوبه
اما البنت فتستحق معاش حتى سن الزواج
فاي سن تتزوج البنت تقدم طلب المنحه مع اصل قسيمه الزواج و 2 صوره منها و صوره بطاقه
فاي بنت تتزوج لازم لازم لازم تبلغ بزواجها لصرف المنحه
مده تقادم المنحه 5 سنين
يعني لو البنت تزوجت ومقدمتش طلب المنحه فى خلال 5 سنين او الابن الذى بلغ السن مقدمش فى خلال 5 سنين هتسقط المنحه مش هيبقي ليه منحه
تعديل قيمه المنحه 12 شهر
يعني تضرب قيمه المعاش الشهري المستحق للابن او البنت ” نصيب الابن او البنت مش المعاش كله ”
تضربه فى 12
يعني لو نصيبك 1000
هيبقي 1000× 12 = 12000
