Uncategorized

رحلة الانتظاااااااااااااااااااااااااار

رحلة الانتظاااااااااااااااااااااااااار
كتب د.سامح الهواري
امبارح بسحب فلوس من ماكينة ATM وبعد ما دخلت الكارت والباسورد وكتبت المبلغ اللي عايزه ظهر على الشاشة

(برجــــــــاء الانتــــظار)

انتظرت دقيقة اتنين تلاتة اربعة – الموضوع طول عن العادي!!

بدأت اقلق – و افكر لو الكارت مطلعش هعمل ايه وانا محتاج فلوس حالاً ضروري؟

هل اتصل بالبنك يقولولي حل سريع اعمله، و لا اروح لاقرب فرع؟

كده خلاص الكارت اتفقد ولازم أروح اطلع غيره.

طيب لو مشيت ممكن المبلغ و الكارت يطلعوا وحد ياخدهم؟

اسئلة كتير بتدور في عقلي لاني شايف قدامي جملة (برجــــــــاء الانتــــظار).

فجأة الكارت خرج والفلوس وساعتها نسيت كل حاجة وأخدته وأخدت الفلوس ومشيت.

ولا كأن فيه حاجة اصلا وكل القلق والاسئلة والتفكير طاروا من مخي – اختفوا كأني مفكرتش فيها من الاساس!

في رحلة الحياة بنتحط في مواقف صعبة فيها بتنتظر حلول من رب السماء ولكن بنتفاجأ انها كتبالنا (برجــــــــاء الانتــــظار) وبس .

في المرحلة دي بيجي في تفكيرنا مليون حاجة والافكار بتنهش فى سلامنا واعصابنا :
ها نعيش ازاي؟
ها نصرف منين؟
ها نتجوز امتى؟
ها نشتغل فين؟
ها نخف ولا لأ؟
ها نخلف ولا لأ؟
ها نسافر ولا لأ؟
ها ننجح ولا لأ؟
ها سد ديني منين؟
ربنا ها يرزقنا ولا لأ؟

مليون سؤال وسؤال جوانا ومخاوف وافكار بتقتلنا وقلق الانتظار نفسه مؤلم.

و كلها بلا فايدة.

فجأة بتتحل من عنده فى ثانية في لمح البصر وكل الاسئلة الي في مخك كلها بتسقط وتختفي قدام حلول الله.

ف يا صديقي المهموم المنتظر .. كل ما انت فيه الان ليس الا مرحله
( برجــــــــاء الانتــــظار)

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى