وحشتينى….اسكندرية
سحر ابوالعلا
وحشني المشي على الكورنيش
و صورة جميلة وياكي
وحشني ادوب فى هواكي
و حشني وشوشة موجك
تحضني اسراري جواكي
وحشني اقول وحشتينى
تردي عليا تقوليلي
و انت كمان وحشتينى
وحشني امشي فى حواريكي
وحشني جمال لياليكي
وحشتني قعدتي معاكي
و اتسلي بترمس وياكي
كوباية حلابسة بشطة زيادة كالعادة
و درة مشوى و چيلاتي
ياخدني الوقت وياكي
يا حلوة انا دايبة فى هواكي.
سحر أبوالعلا
#السلطانة
