فى مصر الست
حلوة فى شكلها
جد فى طبعها
وف أخلاقها
ما فيش زيها
أم ابوها
ولأخوها
دنيا تانية
تقوم فى ثانية
لو حد على طرفه داس
وقلب داب
حنية لولادها
بتخدمهم بأديين تتباس
ولجوزها صاحب
وسكن ومودة
وفى الشدة بتتقاس
اسأل عليها اللى
على مصر عدى
وشافها واقفة
على نصبة ولا فى دكان
ولاحتى فى بيتها
بتطبخ للجيران
بتشيل القفة اللى بودنين
ح تلاقى زى المصرية فين؟
بتسكن القلب و تتشال ف العين
راندة محمود
